Policët shqiptarë “spiderman” me brekë të shqepura

24 Shtator 2016, 08:15, Aktualitet CNA

Ministri Tahiri në konkurencë të tipit rrotë më rrotë me kryebashkiakun Veliaj për të qenë pasardhës i Ramës në parti e qeveri ka filluar të kopjojë edhe ?gjetjet? e Ramës përsa i përket marëdhënieve me publikun. Tipik ishte rasti i 1 Qershorit të këtij viti i policëve të veshur si ?Spiderman?, që zbritën mureve të spitalit për të zbavitur fëmijët e sëmurë. Numri i radhës i cirkut të ?Rilindjes? rezultoi i sukseshëm. Jo vetëm mediat shqiptare, por edhe disa media të huaja e pasqyruan këtë risi alla shqiptare përsa i përket rolit të policisë në komunitet.

Fatkeqësisht ky spektakël në dritën e fakteve të reja po na rezulton një tallje e ndyrë e ministrit për policët, vartësit e vet. Këta policë, që na bëkan edhe ?Spiderman-in? fatkeqësisht për faj të komisionit të tenderave në ministri si edhe personalisht të ministrit Tahiri janë pajisur me unforma të një cilësije tejet të ulët. Sipas vetë kallëzimit penal të bërë nga ministria (kallëzim i tipit after pilafi)del se bluzave të policisë gjatë testimit u dilte boja në 70% të sipërfaqes, ndërsa pantallonat e uniformave të policisë shqepeshin për shkak të cilësisë së ulët të penjve. Më shqip mund të themi se ?Spiderman-ve? të Tahirit u janë shqepur pantallonat, ndërsa gjetjes propagandistike tashmë i ka dalë boja njëlloj si edhe bluzave të uniformës së policisë. Ministri Tahiri i trajton policët e shtetit njëlloj si Nastradini trajtonte gomarin e vet, të cilit i pakësonte ushqimin dhe i shtonte dajakun dhe barrën mbi samar. Në luftën-propagandë kundra korrupsionit policët përfundojnë në pranga për një 500 lekëshe rryshfet, ndërsa ministri sjell në parlament ligje klienteliste si i ashtuquajturi i kamerave, që pak kompanive u siguron miliona euro fitime në vit. Këtyre policëve të ngratë nuk u jepen as paratë e ushqimit, që u takojnë me ligj. Makinave të patrullimit me ?risinë? e kartave elektronike u pakësohet tolloni i karburantit. Ëmbëlsira në fund: pas një spektakli në bulevard me uniformat e policisë shqiptare ndër vite, këta poliicsë pajisen me uniforma, që u del boja dhe u shqepen pantallonat. Këto uniforma në letrat e tenderit importohen nga Turqia në realitet prodhohen në Shqipëri në rrobaqepsi gjysëm klandestine me stof, kambrik e astar të ardhura nga Kina e të një cilësie mizerabël.

Kjo meseleja e ministrit Tahiri me uniformat e policisë më kujton një histori të ARMIR (Ushtrisë italiane në Rusi). Trupat italiane, që dërgoi Ducja për të luftuar kundra bolshevikëve në Rusi ishin veshur me ?scarpone? këpucë me qafa të prodhura me materiale autarqike (igelit). Të tillë këpucë gjatë Luftës italo-greke nuk mbronin këmbët e ushtarëve as nga temperature maksimumi 15 gradë nën zero, si pasojë mijëra gishta këmbësh u prenë në spitalet fushore, sepse kishin ngrirë e ishin kangrenizuar. Kuptohet sesa të përshtatshme ishin këto farë këpucë për dimrin rus, gjatë të cilit edhe temperaturat -30 gradë janë të zakonshme. Kapotat dhe uniformat me lesh artificial të quajtur ?Lanital? po ashtu nuk kishin shans t?i mbronin ushtarët e mjerë italianë nga të ftohtët e dimrit rus. Normal, që të tilla materiale do përdoreshin për uniformat e ushtrisë italiane, kur prokurimet kryheshin nga Marcello Petacci, vëllai i Clareta Petaccit, dashnores së Musolinit. Normalisht lind pyetja vëllai i dashnores së cilit VIP-i luajti rolin e sekserit në tenderin e uniformavetë policisë shqiptare?!

GJERGJ THANASI