Sekretari Fat Tutkalli dhe kordinatorja Soqina analizojnë përmbys humbjen e Dibrës

15 Shtator 2016, 07:56, Aktualitet CNA

Sekretari i burimeve robnore seksuale të Partisë D, Fat Tutkalli pasi vuri re se kordinatoren Soqina, të dashurën e tij e kishte zënë gjumi pas dashurisë së vrullshme, u çua nga shtrati, mori laptopin e ndezur dhe u fut përsëri në shtrat. E kishte zakon që kur donte të shkruante ndonjë artikull në gazetë, gjë që ndodhte rrallë, ta bënte këtë në shtrat, gjysëm i shtrirë. Sot Fat Tutkalli donte të bënte një analizë për zgjedhjet në Dibër, të cilat partia e tij i kishte humbur thellë.

-I dashur çfarë po bën në këtë orë të natës, të iku mendja?- I tha Soqina së cilës i doli gjumi nga lëvizjet e tij.

-E dashur, më duhet ta shkruaj tani atë analizën për Dibrën, ndryshe po e lashë për ta shkruar gjatë ditës, nuk kam për ta bërë, ti e di sa shumë gjëra kemi për të bërë.- I tha Fat Tutkalli.

-Uf, Dibra, Dibra, e përse gjithë kjo zhurmë për këtë provincë maloke, sikur të ishte ndonjë qytet i madh!- tha Soqina, që është nga një qytet i Juglindjes, e njëjta zonë nga e ka origjinën edhe Fat Tutkalli. Ky nuk iu përgjigj dhe Soqina e qëlloi me jastëk: Prit një herë të mblidhet grupi parlamentar, të shprehet, pastaj folë ti.- I tha ajo.

-Zemra ime, ti e di që unë nuk jam anëtar i grupit parlamentar se në këto zgjedhje nuk më bënë deputet. Prandaj më duhet të punoj edhe natën që këtë herë të bëhem deputet.- I tha Fat Tutkalli.

-Mirë, puno, por unë e di që ti je gëzuar nga humbja në Dibër ashtu si dhe unë.- I tha Soqina.

-E vërtetë është që jam gëzuar, se nuk më bënë deputet, por këtë nuk e them dot. Të lutem më ler pak të përqëndrohem se dua të gjej një titull, ti e di se unë nuk shkruaj dot pa gjetur titullin.- Tha Fat Tutkalli.

-Në përgjithësi ti nuk shkruan dot, si me titull si pa titull, – i tha Soqina, që është më e zgjuar se i dashuri i saj.- Por më thuaj se çfarë ideje ke që të përpiqem të të ndihmoj.

-Ideja është të shkruaj diçka për votën e Dibrës, pra.- Tha Fat Tutkalli.

-Arbid, atov, -tha Soqina.

-Çfarë the?- Pyeti Tutkalli.

-I ktheva përmbys fjalët ?Dibra? dhe ?vota?, -tha Soqina,- Arbid dhe Atov. A nuk tingëllojnë më bukur kështu. U frymëzova nga ty që të pëlqen stili përmbys.

-Zemër, tani e gjete kohën për këto shaka, kur unë po përpiqem të punoj për diçka me shumë rëndësi për të ardhmen tonë të përbashkët.- U ankua Tutkalli.

-Mirë,- tha Soqina,- më fal. E lashë me kaq. Nuk kam ide.

-Prit pak, -tha Tutkalli, – si the, Arbid, Atov. Po kjo është gjeniale, është titulli i duhur. Domethënë që gjërat u kthyen përmbys, u kthye përmbys demokracia, Dibra, gjithçka. E dashur, të faleminderit për idenë që më dhe, isha bllokuar fare. Nuk kam gabuar unë që ta futa emrin në listën e kordinatorëve të partisë sonë. Ti je talent.

-E di që jam talent, -tha Soqina, – por dua të bëhem edhe unë deputete.

-E dashur, unë po punoj edhe për ty, -tha Tutkalli, -ti e di që unë kam kompetencë për të futur më shumë se një emër në listën e kandidatëve këtë radhë.

-Kështu më ke thënë ti, -tha Soqina, -të shohim. Deri tani me këtë fjalë më ke futur në shtrat. E di që më kanë ardhur fjalë se me femra të tjera je tallur me mua, duke bërë lojë fjalësh me emrin tim dhe duke më quajtur Soqina e Kotë.

-Këto janë shpifje të atyre që na kanë zili, e dashur. Tani të lutem më ler të punoj pak se për njëzet minuta e përfundoj.- Tha Tutkalli.

-I dashur, më lejo të them vetëm edhe këtë gjë, -tha Soqina, – tani e tutje kur ta bëjmë përmbys, do ta quajmë Stili Arbid Atov!