web counter
LEXO PA REKLAMA!

SHKARKO APP

App Store
Google Play

Drejtësia/Bushati: Për hapjen e negociatave me BE, Brukseli pret zbatimin e reformës, jo vetëm miratimin

8 Gusht 2016, 16:35, Aktualitet CNA

Miratimi i reformës në drejtësi nuk mjafton që Shqipëria në tetor të presë një vendim pozitiv nga Komisioni Europian për hapjen e negociatave, pasi Brukseli pret zbatimin e kësaj reforme.

Deklarata është bërë nga ministri i Jashtëm, Ditmir Bushati, i cili duket se po i paraprin një vendimi jo pozitiv nga ana e BE-së për hapjen e negociatave me Shqipërinë. Bushati theksoi se Shqipëria duhet të demostrojë një vullnet pozitiv për zbatimin e reformës dhe në këtë kuadër ai lëshon apelin për të mos humbur më shumë kohë për çështjen në fjalë.

?Duhet brenda vjeshtës të demonstrojmë një histori bindëse suksesi në trajektoren e reformës në drejtësi që nuk kufizohet thjesht tek ligjbërja por tek arritjet konkrete që duhet të jenë të prekshme për qytetarët?, tha Bushati, i cili kërkoi që 7 pr/ligjet të cilat janë ende në negociata mes mazhorancës dhe opozitës, të miratohen sa më parë.

Sipas kreut të diplomacisë shqiptare, hapja e negociatave do të mund të realizohet nëse aktorët e tjerë politikë do të kenë vullnetin për të ecur përpara dhe për të moszvarritur miratimin e 7 ligjeve që do ti japin jetë ndryshimeve kushtetuese.  Zbatimi i reformës në drejtësi, do të thotë ngritje e institucioneve të reja të drejtësisë dhe miratim të ligjeve që e bëjnë të mundur implementimin e saj, veç asaj që cilësohet paketë e emergjencës, çka do të thotë se afati i tetorit mund të mos arrihet nga politika, për marrjen e rekomandimit pozitiv. /citynews/





Lajmet e fundit nga