Pollari apo kur të përdor ortaku si leckë

27 Korrik 2016, 08:18, Aktualitet CNA

Një fakt që të gjithë e shohin dhe e prekin në Korçë. Një fakt që tashmë nuk e mohon më askush. Kryetari i PD në Korçë Andrea Mano po përdoret si leckë politike nga miku i tij zv/kryeministri Niko Peleshi.

Fakt që e dinë demokratët, socialistët, qytetarët e Korçës. Keqpërdorimi e ka bërë kreun e PD-së të kthehet në mjeran që qytetarët e shohin si viktimë të politikës dhe keqpërdorim të saj.

Në një vit kreu i PD-së ka gjithsej 2 apo 3 aksione politike. Ka një ?meritë? që mbylli selinë e PD-së dhe thelloi përcarjen e saj. Kjo ?meritë? në fakt i shkon Niko Peleshit i cili e keqpërdor mikun dhe ortakun e tij në biznese, në çdo moment që i duhet.

Veprimin e fundit e bëri një ditë më parë. I shoqëruar nga një palaco dhe një ëndrimtare qeshrake, Mano me urdhër të Peleshit doli tek Pazari i Korçës për të hapur qepenat e disa bizneseve. Në fakt disa muaj më parë Mano kishte mbyllur qepenat e PD-së po i urdhëruar nga i njëti person. Doli të mbronte bizneset në Pazar.

Ajo që duhet theksuar është fakti se pazari I Korçës është një investim shembullor, por ka vend edhe për kritika dhe plot mangësi. Në asnjë rast, në asnjë cast kryetari i PD Korcë nuk e kritikoi këtë investim por dje i urdhëruar nga miku i tij doli në Pazar, i keqpërdorur si një leckë që fshin cimentot. Investimi në Pazarin e Korçës duket të ketë mbështetje masive nga qytetarët, pasi një zonë historike, nga një shurrtore dhe pisllën pa fund e riktheu në një vend aktivitetesh dhe biznesi, jo me lecka dhe pisllëk. Pikërisht këto kundërshtoi dje Mano? Mbështetjen më të madhe të qytetarëve? Po si mund të shkojë opozita dhe të dalë bllof apo të keqpërdoret pikërisht aty ku mbështetja e votuesve është maksimale dhe të gjithë e vlerësojnë. Këtë veprim nuk e bëri kurrë me kullën, objektin më të shëmtuar në qytet. PD-ja u mjaftua me dy konferenca dhe kaq. Ndërkohë në një zonë që vërtet ka ndryshuar shkon e proteston gjoja në mbrojtje të disa bizneseve. Ai projekt ka shumë muaj që është public dhe PD-ja heshti, por dje Niko Peleshit i duhej një leckë politike në Korçë dhe ja u dhuroi qytetarëve publikisht.

Për ortakët e zv/kryeministrit, palaçot e Genc Pollos apo ëndrimtaret qeshrake që vlejnë më pak se një trendelinë nuk I vjen keq askujt kur keqpërdoren në mënyrë kaq të turpshme. Shqetësimi është tek demokratët dhe qytetarët e paparti, që shohin si përpëlitet forca më e madhe politike e opozitës ku ata kanë shpresë se nesër mund të ndryshojë diçka./citynews