E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Thellohet përçarja në koalicionin qeverisës/ LSI grup të posaçëm për të monitoruar punën e Veliajt

27 Korrik 2016, 07:01, Aktualitet CNA

Kriza në koalicionin qeverisës sa vjen edhe thellohet. Edhe pse liderët e PS dhe LSI përpiqen ta fshehin në publik krizën e thellë që ka kapluar mazhorancën qeverisëse, bashkëpunimi Rama-Meta rrezikon të prekë fundin. Pas divergjencave të shumta në qeveri, që u thelluan akoma më tepër me reformën në drejtësi, konflikti ka zbritur ashpër edhe në pushtetin vendor. Tashmë, marrëdhëniet PS-LSI duket se janë futur në një amulli të pakthyeshme. Mosmarrëveshjet dhe divergjencat kanë prekur disa bashki të vendit, nga Veriu në Jug, por së fundmi janë shfaqur edhe në bashkinë më të madhe dhe më të rëndësishme, Bashkinë e Tiranës. Lëvizja Socialiste për Integrim në Këshillin Bashkiak ka ngritur një grup të posaçëm, i cili do të monitorojë punën një- vjeçare të Erion Veliajt në krye të Bashkisë së Tiranës. Ky grup pune do të verifikojë sa i ka realizuar Veliaj premtimet në investime publike dhe, më pas, grupi do t?ia dorëzojë ?listën e LSI me investimet publike? kryetarit, ku më pas do të bëhet ballafaqimi për ato punë që janë realizuar dhe për ato që nuk janë realizuar. Përplasja do të nisë në muajin shtator, shkruan gazeta ?Sot?

Pasi grupi të ketë përfunduar punën monitoruese në terren, këshilltarët e LSI do të thërrasin në një mbledhje të posaçme Erion Veliajn, i cili do të japë llogari për ato punë që nuk janë realizuar. Kjo iniciativë vjen pas sulmit të grupit parlamentar të LSI, Petrit Vasili ndaj Veliajt, të cilin e kritikoi për rrugët dhe trotuaret me probleme në kryeqytet, kryesisht për rrugën ?Sami Frashëri?, ku ai banon vetë. Lajmin për monitorimin e punës së kryebashkiakut e konfirmon për gazetën ?Sot?, anëtari i LSI në Këshillin Bashkiak, profesor Shezai Rrokaj. ?Ne si LSI kemi një grup që monitoron veprat publike. Ne jemi një forcë e organizuar, ku brenda grupit të këshilltarëve është një grup që monitoron zbatimin një për një të listës që quhet lista ?LSI?; është një listë me investimet publike, për të cilat ne kemi rënë dakord (çerdhe, kopshte, rrugë, ndriçime, etj). Përfaqësuesit e grupit do të raportojnë se çfarë është realizuar dhe çfarë nuk është realizuar në këtë 1 vit. Më pas, ne do të bëjmë një takim me kryetarin, të cilit do t?i themi se çfarë është realizuar dhe çfarë jo. Pra, këshilltari ushtron të drejtën e tij ndaj një njeriu që mbron interesat e qytetarit. Për të mos mbetur në kuadrin e fjalëve, ne monitorojmë herë pas here se deri ku jemi. Në shtator, ne do të bëjmë një ballafaqim me bashkinë për ato gjëra që kemi rënë dakord?, deklaroi Rrokaj.