web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Zefi sulmon Çim Pekën/ Jam kundër Metës dhe Berishës

26 Korrik 2016, 19:59, Aktualitet CNA

Gazetari Gjergj Zefi ka sulmuar kolegun e tij gazetar, Çim Pekën.

Përmes një reagimi në rrjetet sociale, Zefi shkruan se lajmi i publikuar nga portali që drejton Peka nuk është i vërtetë, dhe se portali i tij Pamfleti është i regjistruar dhe financimet e saj janë lehtësisht të kontrollueshme.

“Sot, portali i Gërdecit ?Syri.net? ka guxuar dhe më ka sulmuar nëpërmes kalif-it të tij Iqim Peka. Portali i Shkëlzen Berishës dhe shkruesit e tij e shpallin portalin tim ?Pamfleti.com? si të financuar nga Kryeministri Edi Rama kundër ortakut të tij Ilir Meta.
Po i them Iqim Pekës se ?Pamfleti? që në fillimet e tij nuk e ka pushuar luftën kundër Ilir Metës, Sali Berishës dhe cilësdo të keqe në këtë vend, edhe në ditët kur Rama dhe Meta ishin në ditët e dashurisë së tyre të madhe. Ndryshe nga ?Syri? , ?Pamfleti? është i regjistruar dhe financimet e saj janë lehtësisht të kontrollueshme. ” shprehet Zefi.

Ai akuzon Pekën se portali i tij është fryt i parave të përgjakura të Gërdecit. “Pamfleti është produkt modest i kontributeve të mia dhe të miqve të mi dhe jo si ?Syri? yt që është fryt i parave të përgjakura të Gërdecit. Që të të dalë ?Syri? ty, pos të tjerave, u desh të hidhej në erë një fshat i tërë, u desh të flijohej edhe burri i tezez së pronarit tënd…
Iqim Peka, ti nuk ke integritetin e mjaftueshëm të sulmosh mua dhe as portalin tim. Unë kam hyrë në gazetari me pantallona të shkurtra, dhe nuk i jam dorëzuar kurrë së keqes. Babai i pronarit tënd të ri më ka dënuar me burg se shkrova kundër embargos së naftës. Vite më vonë ai e pranoi këtë. Ta thashë këtë për të të kujtuar se nuk jam i rastit këtu… (Për integritetin dhe moralin tënd mund të flasim një ditë tjetër nëse do të guxosh ta vazhdosh këtë paçavure që ke nisur)
Iqim, sot duke dashur të mbrosh Ilir Metën bëre një gabim të madh. Duke dashur të ?vësh vetulla? kam frikë se do të ?heqësh ?syrin??. Më përmende se kumbari i ?financimit të Edi Ramës? është njëfarë Mark Frroku…
Iqim, unë Mark Frrokun as që e njoh fare, por kam frikë se ke hapur një temë që Ilir Metën e gropos përgjithmonë. Nëse nuk beson, pyet Ilir Kullën…” vijon më tej gazetari Zefi. 

Ai shton se nuk e ka problem të bëjë publike asgjë. “Se cili është opinioni im për Frrokët , Doshët, e të gjithë kategorinë e tyre, lehtësisht e verifikon në media. Unë kam formim kristian dhe nuk sulmoj të dobëtit, Iqim. Nuk jam si shefat e tu, të cilët nuk lënë ditë pa e sulmuar sa kohë Frrokët janë në burg, ndërkohë kur ishin jashtë i morën paratë për fushatë dhe hanin dreka e darka me to në Dajt. Po po, babai i shefit tënd të ri shkoi në Crans Montana me helikopterin e tyre.
Iqim, Unë kam të përbashkët me Mark Frrokun aq sa ka të përbashkëta Presidenti Truman me Saliun tuaj, por po të këshilloj se herë tjetër nëse do të më konfondosh me Mark Frrokun duhet ta pyesësh mirë Ilir Metën dhe Ilir Kullën(e di vetë ai!) se unë nuk jam si ambasadori Donald Lu që i mban në sirtar, unë i bëj të gjitha publike…
Kaq për sot Iqim Peka, shpresoj te Zoti të mos më detyrosh më të merrem me ty, jo për gjë, jo se të kam frikë por ngaqë jam pak supersticioz dhe i besoj Viktor Hygos kur thotë: Kur të afrohet katundari, të largohet zoti…
P.S: Po të shkruaj në FB, se ?Pamfleti? është një projekt afatgjatë dhe nuk mund të merret me njerëz të përkohshëm si puna jote dhe e ?Syrit? tënd të dalë… ” përfundon Zefi.





Lajmet e fundit nga