web counter
LEXO PA REKLAMA!

SHKARKO APP

App Store
Google Play

Berisha apo Basha, cilët janë parimorët për Drejtësinë?

20 Korrik 2016, 12:51, Aktualitet CNA

Ish-Kryeministri Sali Berisha, pavarësisht se gjatë ditëve të fundit ka shmangur komentet mbi reformën në drejtësi, apo atë mbi qeveri teknike, duke se ka qenë më koherenti në qëndrimin e tij, në lidhje me këtë reform.

Berisha ka kundërshtuar që në fillim të drejtën e vendimmarrjes nga të huajt të reformës në drejtësi, por ka mbështur rolin monitories të tyre, sikundër po rezulton edhe në draftin final të reformës, i miratuar me konsensusin e PS-PD-LSI.

Po kështu ish-Kryeministri referuar gjithë debateve të ndodhura mbi Drejtësinë, ka drejtuar gishtin qoftë në rastin e ekspertëve shqiptarë, qoftë të atyre ndërkombëtarë, duke identifikuar atë çka ai mendonte se binte ndesh me ligjin apo nuk mund të ishte e pranueshme për opozitës.

Edhe në mbledhjen e fundit të Grupit Parlamentar, Berisha referuar negociata të ekspertëve mbi reformën ka drejtuar gishtin tek eksperti ndërkombëtar.

? Propozimi i fundit i bërë nga ai eksperti i EURALIUS ishte realisht i papranueshëm për ne. Është një propozim stalinist, është oruellian. Më mirë të thonë hajde miratojmë listën e Ramës dhe të jemi të qartë, sesa Rama thotë këtë dhe këtë s?e do opinion?, është shprehur Berisha.

Megjithëse kjo deklaratë e tij binte ndesh me atë çka Lulzim Basha, Kryetar i PD-së, kishte deklaruar se bllokimi kishte ardhur nga negociatori i Edi Rama, që ishte tërhequr në momentin kur palët duhej të firmosnin.

Po kështu Basha në deklarimet e tij ka shmangur hedhjen e përgjegjësive tek pala ndërkombëtare, ndërsa vazhdimisht ka drejtuar gishtin ndaj kryeministrit Edi Rama, si shkaktarin e bllokimit të negociatave apo përjashtimit të opozitës nga procesi i reformës. /citynews/





Lajmet e fundit nga