web counter
LEXO PA REKLAMA!

SHKARKO APP

App Store
Google Play

E fundit!

x

Skenari/Rama nuk heq dorë nga provokimi i zgjedhjeve të parakohshme

20 Korrik 2016, 12:10, Aktualitet CNA

Kryeinistri Edi Rama duket i vendosur në skenarin për të kaluar në zgjedhje të parakohshme, duke krijuar një krizë politike me votëbesimin e Qeverisë.

Duket se Rama ka marrë seriozisht opsionin për të çuar vendin drejt zgjedhjeve, duke garantuar 71 votat që do të rrëzojnë qeverinë e tij, por nuk do të mandatojnë asnjë kandidat për postin e Kryeministrit, duke iu përmbajtur kështu nenit 104 të Kushtetutës, por duke mos lënë hapësirë për vënien në funksion të skenarit me qeveri teknike apo një qeveri tjetër, sipas nenit 105 të Kushtetutës.

Gjatë ditëve të fundit veç deputetëve, Rama ka qenë i angazhuar në takime me drejtues të degëve të Partisë Socialiste, të cilët i ka njohur me situatën e re të krijuar, edhe pas paralajmërimit të bërë nga Kreu i LSI-së Ilir Meta, që u shpreh për një qeveri teknike dhe zgjedhje të parakohshme, pavarësisht se një ditë më pas ndryshoi mendim, duke u shprehur për zbatimin e marrëveshjes deri në fund me Partinë Socialiste, që do të thotë deri në zgjedhjet e 2017.

Por deklarata e bërë nga Meta, ditën e dielë, duket se i ka vendosur kapakun marrëdhënies mes dy partive më  të mëdha në kabinetin qeveritar, çka ka detyruar Ramën që veç angazhimit për sigurimin e votave për reformën në drejtësi, të nisë angazhimin me strukturat partiake.

Por e gjithë kjo situatë, duke se ka lodhur Kryeministrin, njëherëz edhe Kryetar i PS-së, që kundrejt presioneve që i vijnë nga LSI, akuzave të opozitës, kostos nga reforma,  problemeve dhe përplasjeve të brendshme në PS, është i vendosur për të provokuar zgjedhjet e parakohshme, por jo sipas opsionit me Qeveri teknike, por duke qenë në detyrë kjo qeveri deri në mbajtjen e tyre.

Nëse ndodh ky skenar, atëherë brenda 48 orësh nga dita kur Kuvendi vendos kundër votëbesimit të Qeverisë, njoftohet Presidenti i Republikës, i cili ka 10 ditë kohë për të nxjerrë dekretin për datën e zgjedhjeve të parakohshme parlamentare.

Lëvizja e Ramës, e cila mund të kapë në befasi opozitën dhe çdo forcë tjetër politike, është një avantazh për Kryeministrin. Opozita, nëse provokohen zgjedhjet e parakohshme, hyn në një proces me shumë problem, kjo edhe për faktin se në 35 degë mungojnë strukturat dhe Kryetarët, për shkak se procesi i zgjedhjeve nuk është përmbyllur.

Gjithashtu LSI hyn me kosto në këtë proces, pasi ka qenë për 3 vite pjesë e një Qeveri të përfshirë nga skandale, nga keqqeverisja, presioni dhe dhuna ndaj qytetarëve, por në asnjë nga këto raste ajo nuk ka mbrojtur interesin qytetar, dhe për më shumë ministrat që ajo përfaqësohet në Qeveri kanë qenë ndër më të dështuarit. /citynews/





Lajmet e fundit nga