web counter
LEXO PA REKLAMA!

SHKARKO APP

App Store
Google Play

Pazaret/A po bën Ilir Meta lojë të dyfishtë me Bashën dhe Ramën?

19 Korrik 2016, 12:29, Aktualitet CNA

Kryetari i Kuvendit, njëherëz edhe i LSI-së, Ilir Meta duket se po bën një lojë të dyfishtë sa me kreun e PD-së, Lulzim Basha, aq edhe me Kryeministrin Edi Rama.

Pasi morri rolin e negociatorit për reformën në drejtësi, Meta zbuti tonet dhe brenda pak orësh nga paralajmërimet për Qeveri teknike që do të çonin vendin në zgjedhje të parakohshme, kaloi në atë që do të vijonte koalicionin me PS-në.

Gjithashtu Meta e quajti Ramën si më konstruktivin, ndërsa Bashën si kontribuesin më të madh në negociatat që po zhvillohen në lidhje me Drejtësinë.

Por me pozicionin që po shfaq, duket se Meta i ka dhënë Ramës garancinë se PD do të votojë më 21 Korrik draftin për drejtësinë. Nga ana tjetër, ai duket se garanton edhe Bashën se në çdo moment mund të dalë nga Qeveria dhe të rrëzojë Ramën. Në këtë mënyrë, Kreu i Kuvendit po shfaqet në sytë e opinionit public, por edhe faktorit ndërkombëtar si politikani që ul palët në konsensus, atë të cilën nuk arritën ta bëjnë së paku dy Ambasadorë, Donald Lu dhe Romana Vlahutin.

Po kështu ai shfaqet si politikani që shpëtoi imazhin e vendit në arenën ndërkombëtare. Gjithashtu i jep një mundësi Kryeministrit Edi Rama, që si drejtues i mazhorancës, të ketë kredenciale përpara ndërkombëtarëve, ndërsa Lulzim Basha, si kryetar i PD-së realizon atë çka ka deklaruar përgjatë muajve të fundit, Qeveri teknike dhe zgjedhje të parakohshme.

Nëse i gjithë ky skenar realizohet, atëherë shpjegohet edhe angazhimi i tij në momentet e fundit të reformës në drejtësi, megjithëse deri para tre ditësh, ishte lënë pothuajse në hije nga faktori ndërkombëtar. /citynews/





Lajmet e fundit nga