web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Dështojnë negociatat, Donald Lu kritika Lulzim Bashës

19 Korrik 2016, 09:39, Aktualitet CNA

Ambasadori amerikan tha se fillimisht PD kërkoi nenin 88 të Venecias dhe pasi Rama u dërëzua, Basha kërkoi që ndërkombëtarët nuk mund të pranohen të të bëjnë vlerësimet për kualifikimet e komisionerëve. Por, ambasadori theksoi se në datën 19 maj, ka qenë vetë kryedemokrati Basha ai që ka deklaruar se se të huajt ishin të vetmit persona që mund ta pastronin peshkun nga koka.

Pas 18 muajsh negociata, pse nuk arrijmë kurrë një marrëveshje??

Pse? Për shkak se është e qartë se disa nga këta politikanë nuk duan marrëveshje.

Dy javë më parë, dëgjova me zë të fortë nga Basha dhe Bylykbashi se nëse e zgjidhnim paragrafin 88, ata do ta votonin reformën që të nesërmen.

Më 9 korrik e zgjidhëm paragrafin 88. Në fund, Rama u dorëzua dhe u ofroi atyre saktësisht atë që Basha kishte kërkuar, një proces përzgjedhjeje të quajtur 6 plus 6. Por kjo nuk mjaftonte.

Tani, për herë të parë, ata thonë se për shkak të sovranitetit kombëtar, nuk mund të pranojnë që të huajt të bëjnë vlerësimet për kualifikimet e komisionerëve.

Epo kjo është e çuditshme.

Më 19 maj Basha na tha ne dhe Ambasadores Vlahutin se të huajt ishin të vetmit persona që mund ta pastronin peshkun nga koka. U tha të njëjtën gjë edhe deputetëve të PE-së, Kukan dhe Fleckenstein.

Bylykbashi e përfshiu këtë në mënyrë të qartë në propozimin e tij zyrtar, të shkruar, që na dërgoi. Tani papritur po ndryshojnë qëndrimin e tyre.

Përse?  Njerëz të fuqishëm kanë frikë?, tha ambasadori amerikan.





Lajmet e fundit nga