Zbardhet skema/Rama tenton të provokojë zgjedhje të parakohëshme

13 Korrik 2016, 06:42, Aktualitet CNA

Zgjedhjet e parakohëshme janë alternative që kryeministri Edi Rama sheh si shpëtim të tij në këto momente kur të gjithë faktorët politike në vend janë kundër tij.

Por nuk mjaftojnë vetëm kundërshtarët politikë ujërat janë mjaft të turbullta edhe brenda PS-së. Grupi i Ben Blushit apo levizjet e Koço Kokëdhimës, i kanë dobësuar numrat kryeministrit i cili kërkon të cojë vendin në zgjedhje të parakohëshme.

Skema e kryeministrit është mjaft e qartë ai përgatit një mocion besimi në parlamet sipas nenit 104 të Kushtetutës të Republikës cila thotë Neni 104 (Ndryshuar me ligjin nr. 9904, datë 21.04.2008) 1. Kryeministri ka të drejtë t?i paraqesë Kuvendit mocion besimi ndaj Këshillit të Ministrave. Në rast se mocioni i besimit votohet nga më pak se gjysma e të gjithë anëtarëve të Kuvendit, Kryeministri, brenda 48 orëve nga votimi i mocionit, i kërkon Presidentit të Republikës shpërndarjen e Kuvendit. .

Pra Rama i kërkon deputetëve ta rivotojnë kabinetin e tij, në këtë rast Edi Rama ka në dorë skenarin që e çon vendin në zgjedhje. Me humbjen e votave në parlament, brenda 10 ditësh presidenti duhet të shpallë zgjedhjet e parakohëshme jo më vonë se 45 ditë (Kushtertuta neni 104).

Por kreu i qeverisë duket të jetë pa numrat e nevojshëm për këtë lojë politike që do provokonte zgjedhje. Ai ka vetëm 55 mandate deputetësh dhe LSI-ja në ?lojën? e saj i voton qeverinë kryeministrit Rama për ta rrëzuar atë në një tjetër formë vetëm një javë më pas.

PD-LSI dhe ?rebelët? kundër

Kjo lëvizje e Ramës që do të çonte në zgjedhje të parakohëshme ka sjellë edhe një aleancë të re, duke gjetur një tjetër mazhorancë në parlament. Tentativa e Ramës për të provokuar zgjedhje më mocion në parlament ka anën tjetër. LSI dhe disa deputetë votojnë pro qeverisë dhe ajo nuk bie, pra nuk shkon tek presidenti për zgjedhje të parakohëshme. Meta e ka thënë qartë në konferencën e tij të fundit për mediat ?nuk ka zgjedhje të parakohëshme?. Ndërsa nga ana e opozitës Edi Paloka ka deklaruar publikisht, ?PD nuk do lejojë që Edi Rama të çojë vendin në zgjedhje të parakohëshme?. Këto dy qëndrime mjaf të qarta flasin për të tjerë skenarë dhe mazhoranca të reja brenda parlamentit./citynews