web counter
LEXO PA REKLAMA!

SHKARKO APP

App Store
Google Play

E fundit!

x

Kultivuan 2750 rrënjë kanabis në Tiranë/ Arrestohen 3 persona, 2 të tjerë shpallen në kërkim

23 Qershor 2016, 08:30, Aktualitet CNA

Policia e Tiranës ka asgjësuar 2750 rrënjë kanabis të zbuluara tek zona e Kodrës së Diellit në kryeqytet dhe ka arrestuar 3 persona, ndërsa ka shpallur në kërkim 2 të tjerë.

Burime nga policia thanë se të arrestuarit janë shtetasit, Lufti Neli, 38 vjeç, banues në Tiranë, Fatjon Xhaferri, 19 vjeç, banues në Tiranë dhe  E. Xh., 15 vjeç, banues në Tirane .

Policia bën me dije se janë shpallur në kërkim shtetasit A. Sh., 27 vjeç, banues në Tiranë dhe E. Xh., 28 vjeç, banues në Krujë.

Arrestimi dhe shpallja në kërkim u bë pasi gjatë kontrolit të territorit, shërbimet e policisë ka evidentuar në fshatin Pinar, në vendin e njohur si ?Kodra e Diellit?, të mbjella në dy parcela pranë njëra-tjetrës si dhe në fshatin Palaq, njësia administrative Prezë rreth 2750 bimë të dyshuara narkotike të llojit Cannabis Sattiva.

Bimët narkotike u asgjesuan në vend me anë të djegies ku një pjesë u sekuestruan në cilësinë e provës materiale.

Gjithashtu, gjatë kontrollit të banesës së shtetasve Fatjon dhe E. Xhaferri, janë gjetur dhe sekuestruar në cilësin e provës materiale dy armë zjarri, një automatik i tipit AK-47 dhe një pushkë 10-tëshe.

Materialet i kaluan Pokurorisë pranë Gjykatës së Shkallës së Parë Tiranë, për veprat penale ?Kultivimi i bimëve narkotike? dhe ?Prodhimi dhe mbajtja pa leje e armëve luftarake dhe e municionit.





Lajmet e fundit nga