Sulmi ndaj Saimir Tahirit/Kush e dekonspiroi paisjen e përgjimit?

10 Qershor 2016, 20:59, Aktualitet CNA

Një paisje përgjimi po kthehet në makth dhe po i rrezikon postin Ministrit të Brendshëm, Saimir Tahiri. E dalë në një moment kur Erion Veliaj, po protestonte kundër gjykatës, menjëherë del një skandal që e con edhe Ministrin e Brendshëm, rivalin e Veliajt për trashëgiminë e partise, të përplaset me gjykatës dhe prokurorë.

Të dy ?luftojnë? ndërsa shefi i tyre i mbështet në distancë. Në fakt urdhëruesi i vërtetë i sulmeve është thjesht Edi Rama, ?djelmoshat? e tij po bëjnë betejat. Kush do fitojë dhe kush do mbajë më shumë, do jetë edhe ?trashëgimtari?. Në krahasim, duket se Veliaj është më i qetë. Kjo për faktin se ai e ka kapërcyer betejen e tij dhe ska asnjë njeri të shkarkuar nga detyra, ndërsa Tahiri rrezikon ?kokën?.

Por pyetja është kush e dekonspiroi paisjen e përgjimit?

Në fakt ka disa rrugë dhe ato janë katër. E para është opozita e cila deklaroi paisjen e përgjimit, por më parë ajo përflitej në qarqet politike nga njerëz afër Ilir Metës. Pra, një version është që vetë Ilir Meta, nepërmjet njerzve të tij të ketë siguruar informacion se po përgjohej dhe këtë informacion ja ka servirur opozitës. Një version tjetër është që PD ta ketë siguruar nga kreu i SHISH Visho Ajazi-Lika, ish këshilltari i Sali Berishës kur ai ishte kryeministër.

E dyta është vetë LSI, e ka përdorur dhe cuar në media, disa gazeta kanë folur javë më parë për përgjime, por pa identifikuar Saimir Tahirin. Në fakt ?dhurata? ndaj një beteje të nxitur PD-PS për të vjelë frytet, sic e përmendëm më lart ngelet version i besueshëm. Ilir Meta shpëtonte nga përgjimet e Tahirit, dhe LSI ndjehet më e sigurt në ?punët e saj.

Erion Veliaj, mund të jetë vetë personi që ka nxitur këtë rrjedhje informacioni. Veliaj ka kamerat e kryeqytetit dhe së fundi ato janë sekuestruar nga prokuroria, për të identifikuar levizjen e mjetit përgjues. Pra, bashkia e Tiranës ka pasur pamje dhe filmime kjo për shkak të monitormit të rrugëve, pamje për të cilat askush nuk mund të thotë se Veliaj ska pasur dijeni dhe këto mund ti ketë ?servirur? aty ku Saimir Tahiri mund të sulmohej me ?top?.

I fundit është vetë kryeministri Edi Rama, i cili në kuadër të reformës në drejtësi, kërkon të sulmojë për ti trembur dhe mbajtur nën kontrroll gjykatësit dhe prokurorët, vetë gjuan nga pas, ballazi janë cunat e ?rilindjes?. Një version që con edhe tek argumenti tjetër se Rama, po shijon përplasjen e brireve te Veliajt me Tahirin, në fund i fituari është vetë Rama. Askush nuk meret me problemet thelbësore të qeverisë por të gjithë bërtasin për përgjimet edhe pse s?kanë bukë të hanë. Betejë që zgjat disa kohë dhe në fund ka disa produkte, që fillojnë me trashëgiminë politike dhe përfundojnë edhe me ?koka turku? në politikë./citynews