web counter
LEXO PA REKLAMA!

SHKARKO APP

App Store
Google Play

Faktet-Niko Peleshi merr nën kontroll PD-në e Korçës/ Andrea Mano mbyll qepenat

10 Qershor 2016, 17:18, Aktualitet CNA

Citynews ka mundur të sigurojë foto të shkrepura në ditë dhe pozicione të ndryshme në PD-në e Korçës, e cila megjithëse në fazë riorganizimi, duket që i ka mbyllur qepenat, dhe më shumë se një godine partie i ngjan një burgu me kangjella të shumta.

Por përtej kësaj po sjellim disa të vërteta të pakundërtueshme nga askush në lidhje me faktin se si Niko Peleshi ka mundur t?a vejë nën thundër  degën e Partisë Demokratike në Korçë përmes ish-ortakut të tij në biznese Andrea Manos.

Qershori është muaji i gjashtë i vitit dhe fatkeqësisht PD-së së Korçës konferencat e shtypit i numërohen me gishta, dhe fatkeqësisht janë më pak se muaji i gjashtë i vitit 2016. Ky është një fakt skandaloz i denoncuar herë pas here në citynews, në lidhje me heshtjen e Andrea Manos dhe degës së PD-së në Korçë për problematikat që ka qyteti por edhe qeveria qëndrore në marrëdhënie me Korçën.

Niko Peleshi ka vënë nën thundër Andrea Manon në PD-në e Korçës e cila hesht, del vetëm dhe bën një konferencë të beftë shtypi, atëherë kur e urdhërojnë nga Tirana apo flasin për diçka që nuk i prish punë askujt. Kjo fatkeqësisht është një e vërtetë e cila nuk po thuhet për herë të parë në citynews, por është disa herë e përsëritur.

Kjo jo për të dëmtuar PD-në e Korçës, por për t?a nxitur të bëjë detyrën e saj si parti opozitare. Po a mund të bëjë opozitë ortaku i Sotiraq Filos dhe Niko Peleshit me bashkinë dhe qeverinë?!

E vetmja mungesë sot në 25-vjetorin e PS-së së Korçës ishte Andrea Mano në tribunë pasi atje e kishte vendin, së bashku me dy miqtë e tij. Në fakt disa konferenca shtypi për çështje pa vlerë janë kapja e faktuar e degës së PD-së në Korçë dhe Niko Peleshit nëpërmjet Andrea Manos. Këtë tashmë nuk e thotë vetëm citynews. Këtë tashmë e thotë çdo demokrat korçar./citynews





Lajmet e fundit nga