web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Myftaraj/ Homazh për oficerin e CIA-s në Tiranë, instaloi qendrën e parë përgjuese dhe botoi librin ku Muhamedi krahasohej me Leninin

10 Qershor 2016, 17:28, Aktualitet CNA

*Në këto ditë kur në Shqipëri përgjimet janë tema kryesore dhe që për më tepër është periudha e Ramazanit, ia vlen të bëhet një homazh për z. Charles Walsh. Ky zotëri erdhi në Tiranë në 1992 me detyrën e drejtorit të Qëndrës Amerikane të Kulturës, një qendër që ishte krijuar prej Ambasadës Amerikane në Tiranë. Qendra Amerikane e Kulturës mori nga qeveria shqiptare zyra në ndërtesën e Qendrës Ndërkombëtare të Kulturës, të quajtur në zhargonin tiranas ?Piramida? (ish-Muzeumi ?Enver Hoxha?).
Z. Walsh bëri veprimin e çuditshëm, për një njeri që ka ardhur me mision kulturor, që njërën nga dhomat ta vishte krejt me një shtresë pllaka çeliku dhe një shtresë pllaka bakri: dyshemenë, muret, tavani. Kuptohet se kjo dhomë nuk përdorej për qëllime kulturore por të tjera. Ajo ishte një dhomë e sigurt, si për grumbullimin e të dhënave të përgjimeve, ashtu për bisedat që bënte CIA në Tiranë me njerëz të ndryshëm. Ato që thuheshin në këtë dhomë nuk mund të përgjoheshin. Kuptohet se në Tiranë, në atë kohë, ashtu si dhe sot, vepronin shumë shërbime të fshehta të huaja, dhe disa prej tyre kishin si prioritet survejimin e diplomatëve amerikanë në Tiranë dhe prishjen e rrjetit të komunikimit të tyre.
Sa për veprimtarinë e tij kulturore, z. Walsh do të mbahet mend për botimin me emrin e Qendrës Kulturore Amerikane të një libri ku Muhamedi krahasohet me Leninin si një prijës i dhunshëm. Ky është libri ?Kohët Moderne? i Paul Johnson. Në këtë libër thuhet për Leninin:
?Sikur të kishte jetuar në një kohë më të hershme me siguri do të ishte bërë prijës fetar. Me pasionin e jashtëzakonshëm që kishte për përdorimin e forcës domosdo do të kishte zënë vend në legjionet e Muhametit.?(Pol Xhonson: ?Kohët Moderne?, Shtëpia botuese ?Apollonia?, Tiranë 1996, vëllimi 1, f. 58)
Shumë mirë ka bërë z. Walsh dhe Qendra Amerikane e Kulturës që na kanë ndriçuar mendjen me libra me përmbajtje të tillë.

*Titulli origjinal: Homazh për Charles Walsh, oficerin e CIA-s në Tiranë i cili në 1992 instaloi qendrën e parë përgjuese dhe botoi librin ku Muhamedi krahasohej me Leninin





Lajmet e fundit nga