web counter
LEXO PA REKLAMA!

SHKARKO APP

App Store
Google Play

E fundit!

x

Haki Çako pranon përgjimet

9 Qershor 2016, 08:30, Aktualitet CNA

Në dëshminë para prokurorëve dje, Haki Çako ka konfirmuar se pajisja e përgjimit është përdorur dhe se janë bërë përgjime të paligjshme. Pavarësisht mohimit të ministrit Saimir Tahiri dhe jo vetëm, Haki Çako ka pranuar dje se pajisja e përgjimit është përdorur në burgje dhe për gjurmimin e personave të rrezikshëm të kërkuar nga policia, siç është rasti i Vladimir Gjutës.

E përditshmja “Sot” raporton se nuk ka pasuar asnjë leje nga Prokuroria si në rastin e përgjimeve në burgje, ashtu edhe për gjurmimin e personave në kërkim. Konkretisht, Haki Çako është marrë në pyetje nga prokurorja Anisa Qilimi dhe ka pranuar se kjo pajisje, përveç trajnimit, është përdorur nga forcat operacionale të policisë për gjurmimin dhe identifikimin e numrave të telefonit të personave me rrezikshmëri të lartë. Çako ka pranuar se me këtë aparaturë është bërë gjurmimi dhe arrestimi i Vladimir Gjutës në Rrugën e Kombit, disa muaj më parë.

Çako ka pranuar gjithashtu se me këtë pajisje janë arrestuar edhe persona të tjerë, emrat e të cilëve nuk i kujtoheshin. Për prokurorët, ky pohim i drejtorit të përgjithshëm të Policisë së Shtetit, Haki Çako, që tashmë është pezulluar me vendim gjykate, tregon edhe njëherë se pajisja është përdorur për gjurmime dhe identifikim të numrave të IMEI pa lejen e prokurorisë dhe në kundërshtim me ligjin. Gjithashtu, në dosjen e prokurorisë thuhet se Çako ka qenë kontradiktor në komunikimin me prokurorët, shkruan “Sot”.





Lajmet e fundit nga