web counter
LEXO PA REKLAMA!

SHKARKO APP

App Store
Google Play

E fundit!

x

Tërhiqet kryenegociatori i opozitës siriane

30 Maj 2016, 15:01, Kosova & Bota CNA

Negociatori kryesor i opozitës siriane, tërhiqet nga bisedimet e paqes për shkak të dështimit të procesit të drejtuar nga Kombet e Bashkuara për të gjetur një zgjidhje politike për luftën civile në Siri.

Mohammed Alloush, në një deklaratë të publikuar të dielën e ndërlidhi vendimin e tij me dhunën ushtarake të forcave qeveritare, të ndihmuara nga Rusia, për të ruajtur presidencën e Bashar al-Assadit.

Në një postim në rrjetin social, twitter, Alloushi, një anëtar i lartë i grupit të fuqishëm kryengritës, Jaish al-Islam, citon atë që ai e përshkroi si “kokëfortësinë e regjimit të Asadit dhe bombardimet e vazhdueshme dhe agresionit ndaj popullit sirian.”

Dy javë të bisedimeve të paqes në Gjenevë, ku të dërguarit e OKB-së, takuan ndarazi të dërguarit e qeverisë dhe grupeve të opozitës, përfunduan në prill pa një marrëveshje, ndërsa luftimet u shkallëzuan sërish në afërsi të kufirit sirian.

Raundi i tretë i bisedimeve qe caktuar për muajin maj, por ato dështuan. Javën e kaluar, i dërguari i posaçëm i Kombeve të Bashkuara Staffan de Mistura, tha se nuk do të ketë një datë të re të bisedimeve, derisa palët nuk pajtohen për një armëpushim që do të lejonte dërgimin e ndihmave humanitare për dhjetëra mijëra civilë sirianë.

Nuk ka pasur ndonjë koment të menjëhershëm të Kombeve të Bashkuara për largimin e Alloushit.

Analistët kishin shprehur një optimizëm të matur më herët gjatë vitit se bisedimet e paqes në Gjenevë, mund të çojnë në një zgjidhje për luftën gati pesë vjeçare që la pas vetes rreth 300 mijë të vrarë dhe miliona të zhvendosur nga shtëpitë e tyre./VOA





Lajmet e fundit nga