E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kryebashkiaku i Tiranës rrezikon shkarkimin/ Ja neni i Kushtetutës që shkeli Erion Veliaj

12 Maj 2016, 18:12, Aktualitet CNA

Kryetari i Bashkisë së Tiranës, Erion Veliaj rrezikon shkarkimin për shkak të presionit të ushtruar ndaj gjykatësve, lidhur me anullimin e lejes së ndërtimit të një pallati tek diga e liqenit. Bëhet fjalë për presion të ushtruar qoftë nëpërmjet deklaratave politike në rrjetet sociale, media apo konferenca për shtyp, por edhe nëpërmjet protestës së organizuar ditën e djeshme para Gjykatës Administrative.

Sipas një kërkimi të citynews, rezulton se kemi të bëjmë me shkelje të nenit 145 të Kushtetutës së Republikës së neni 145 Shqipërisë. Në pikën 3 të këtij neni, qartësisht thuhet se ?Ndërhyrja në veprimtarinë e gjykatave ose të gjyqtarëve passjell përgjegjësi sipas ligjit.? Ndërkohë në po të njëjtin nen, por në pikën 1 thuhet se ?Gjyqtarët janë të pavarur dhe u nënshtrohen vetëm Kushtetutës dhe ligjeve.?.

Pra referuar nenit në fjalë, rezulton se Veliaj ka shkelur Kushtetutën e Republikës.

Ndërkohë pika 1 e nenit 115 të ?Ligjit Themeltar të Shtetit?, thotë se ?Organi i zgjedhur drejtpërdrejt i njësisë neni115 qeverisëse vendore mund të shpërndahet ose të shkarkohet nga Këshilli i Ministrave për shkelje të rënda të Kushtetutës ose të ligjeve.?

Por në fakt, Kryetari i Këshillit të Ministrave, Kryeministri i Shqipërisë, Edi Rama e ka mbrojtur Kryebashkiakun Erion Veliaj në këtë çështje. Përmes një postimi në rrjetet sociale, Rama është shprehur se protesta të tilla janë fare normale në Amerikë, ndërsa vë në dukje se opozita ka marrë peng reformën në drejtësi.

?Pengmarresit e drejtesise e te Reformes ne Drejtesi na jane zemeruar nga protesta e bashkise perpara gjykates se na qenka nje hata e papare! Dikush t’u tregoje shejtanbudallenjve ndonje pamje nga manifestimet e panumerta te guvernatoreve e te bashkiakeve para gjykatave amerikane!?, shkruan Rama.

Ndërkohë Këshilli i Lartë i Drejtësisë, në një deklaratë për mediat e ka dënuar protestën, ndërsa thekson se këto akte dhe veprime të pamenduara sjellin destabilizim të parikuperueshëm, për sistemin gjyqësor, pasi çdo pale ndërgjyqëse në një proçes do t?i perceptojë si të drejtë të tij kundërshtimin me protesta dhe presione politike vendimet që jepen nga gjykatat, në emër të Republikës së Shqipërisë.

Përveç KLD-së, ka qenë edhe ish-Kryeministri Sali Berisha, ai që ka kërkuar nga PD që të nisë procedurat për shkarkimin e kryetarit të Bashkisë së Tiranës. “ I bëj thirrje të kërkojë shkarkimin e tij, ndërprerjen e mandatit duke ju referuar neneve të kushtetutës, dhe ligjeve që ndalojnë dhe kanë shpallur vepër penale presionin ndaj gjykatësit dhe gjykatave” është shprehur Berisha sot në seancën parlamentare.