web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot MYFTARAJ/ Deklaratat anti-Trump të Ramës, pjesë e planit sorosian për atentat ndaj Trump, me anë të një shqiptaro-amerikani

5 Maj 2016, 20:20, Aktualitet CNA

Tani është e qartë se e vetmja mënyrë për ta ndalur Trump që të bëhet President i SHBA, është që ta vrasin në një atentat. Nuk është një gjë që nuk ka ndodhur në të kaluarën në SHBA, ku janë vrarë presidentë dhe kandidatë për president.
Trumpin nuk mund ta ndalë kandidatja demokrate Hillary Clinton, më së paku për dy shkaqe. Së pari, për shkakun se Zonja Clinton mban peshën e dy mandatave presidenciale demokrate të z. Obama, me arritje të dyshimta, dhe ku zonja Clinton ka qenë pjesë e kabinetit në njërin prej tyre.
Së dyti, për shkak se skandali me e-mailet i zonjës Clinton është në thelb diçka e ngjashme me Ëatergate, që e detyroi Presidentin republican Nixon të japë dorëheqjen. Ndryshimi është se përgjegjësia e drejtpërdrejtë e zonjës Clinton është shumë më e madhe se e Nixon në këtë histori. Sot është vërtetuar se FBI bëri gjithçka që të binte Nixon. Tashmë FBI nuk mund të përdorë një standard tjetër me zonjën Clinton. Nëse ndodh kështu, është ekuivalenti i një grushti shteti kundër Trump.
Deklaratat anti-Trump të Kryeministrit të Shqipërisë Edi Rama shprehin shqetësimin e Sorosit dhe të elitës sorosiane në SHBA për hyrjen e Trump në Shtëpinë e Bardhë.
Deklaratat e Ramës kundër Trump mund të jenë fare mirë pjesë e skenarit për vrasjen e Trump, duke paraqitur publikisht si vrasës një shqiptaro-amerikan, për të cilin mund të besohet se u frymëzua nga fjalët që ka thënë Kryeministri Rama për Trumpin si rrezik për botën, domethënë edhe Shqipërinë.
Nëse ndodh një atentat kundër jetës së z. Trump, ku do të implikohet edhe një shqiptar, atëherë z. Rama ka përgjegjësi të drejtpërdrejtë në këtë krim, jo të tërthortë, siç mund mendohet me një sofizëm juridik.





Lajmet e fundit nga