E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kokëdhima në Kushtetuese/ Ristani: Shpresojmë që Rama të mos i bëjë presion gjyqtarëve

20 Prill 2016, 11:59, Aktualitet CNA

Sekretari i Përgjithshëm i PD, Arben Ristani ka thënë sot se shpreson që Gjykata Kushtetuese do të marrë një vendim të drejtë për mandatin e deputetit Koço Kokëdhima dhe të mos ndikohet nga presionet politike.

Ai u shpreh se sot ishte e çuditshme, fakti që i gjithë grupi parlamentar i PS ishte në seancën e gjykimit, dukej qartë një lloj presioni ndaj Gjykatës.

Prononcimi i Ristanit

Ristani: Ju shihni një etje, veprimtari të ethshme të deputetëve socialistë të cilët janë turrur për të përfituar nga pasuritë publike, në kundërshtim me ligjin. Rasti në fjalë, rasti i Kokëdhimës është një rast i tillë ku deputeti në kundërshtim me kushtetutën, në kundërshtim me nenin 2 dhe 3 të nenit 70 të kushtetutës, ka kryer veprimtari private ndërkohë që e ka të ndaluar duke qenë se ka pasur një funksion publik dhe njëkohësisht ka përfitruar nga fondet publike në më shumë se 150 raste. Unë shpresoj që Gjykata Kushtetuese do të marrë një vendim të drejtë në këtë rast, i cili do të çojë në mbarimin e mandatit të deputetit Kokëdhima duke shpresuar njëkohësisht që gjyqtarët nuk do të jenë marrë në telefon për t?u thënë që do t?u këpusim këmbët si në rastin e gjyqtares së Krujës dhe nga ana tjetër mendoj se e kam të vështirë të besoj që qeveritarët e sotëm nuk do të dërgojnë Shullazët për t?u bërë presion edhe gjyqtarëve të Gjykatës Kushtetuese ashtu siç po bëjnë ndaj kandidateve per rektor të universiteteve, ashtu siç kanë bërë për garat e tyre të brendshme në parti. Sot ishte e çuditshme, fakti që i gjithë grupi parlamentar i PS ishte në seancën e gjykimit, dukej qartë një lloj presioni ndaj Gjykatës.

Pyetje: Edhe ju kishit deputetët tuaj?

Ristani: Isha vetëm unë dhe një përfaqësues i grupit parlamentar i cili ka ndjekur ecurinë e kësaj çështjeje. Unë shpresoj shumë që i madhi nuk do të ketë çuar Shullazët për të kërcënuar gjyqtarët e nuk do ti ketë marrë në telefon për t?u thënë që do t?ju pres këmbët. Shpresoj që çështja do të ecë mbarë dhe ne do të vazhdojmë në linjën tonë të dekusarizimit të parlamentit ashtu sikurse kemi arritur disa fitore të vogla, sepse do të vazhdojë akoma dhe më tutje dekriminalizimi i parlamentit dhe jetës politike të vendit.