web counter
LEXO PA REKLAMA!

SHKARKO APP

App Store
Google Play

Ministria e Brendshme: Ligji për Sigurinë Publike, u konsultua me grupet e interesit

5 Prill 2016, 19:13, Aktualitet CNA

Ministria e Brendshme ka deklaruar se ligji “Për masat shtesë të sigurisë?, është hartuar në të gjitha etapat e tij, në bashkëpunim me partnerët ndërkombëtarë si dhe në konsultim me grupet e interesit, përfshirë Komisionerin për Mbrojtjen e të Dhënave Personale. Përmes një deklarate zyrtare, Ministria shton se në ligj janë reflektuar edhe sugjerimet e grupeve të konsultuara të interesit gjatë takimeve të zhvilluara.

Deklarata e plotë e Ministrisë së Brendshme

Ministria e Punëve të Brendshme sqaron se pregatitja, shqyrtimi dhe miratimi i ligjit “Për masat shtesë të sigurisë?, është realizuar në të gjitha etapat e tij, në bashkëpunim me partnerët ndërkombëtarë si dhe në konsultim me grupet e interesit, përfshirë Komisionerin për Mbrojtjen e të Dhënave Personale.

Grupi i punës, në harkun kohor të 8 muajve që është nevojitur për ligjin, ka pasur kontakte të vazhdueshme me ekspertët e misioneve ndërkombëtare të atashuara në Shqipëri.

Bëjmë me dije gjithashtu se në ligj janë reflektuar edhe sugjerimet e grupeve të konsultuara të interesit gjatë takimeve të zhvilluara.

Nga ana tjetër, nënvizojmë se ekspertët ndërkombëtarë në vazhdimësi kanë dhënë vërejtjet e tyre për projektligjin, si në formë të shkruar, ashtu edhe në takimet e rregullta me grupin e punës, vërejtje të cilat janë reflektuar në ligjin e miratuar.

Me këtë rast, sjellim në vëmendje të publikut se janë organizuar konsulta me grupet e interesit, si dhe një takim i gjerë publik me ta, ndërkohë vërejtjet e tyre janë reflektuar në variantin e fundit që qeveria ka dërguar në Kuvend.

Njëherësh theksojmë se ligji është hartuar në bashkëpunim të ngushtë me Komisionerin për Mbrojtjen e të Dhënave Personale.





Lajmet e fundit nga