Koço Kokëdhima përçan grupin e PS/ Deputetët e ndarë për dekriminalizimin

19 Mars 2016, 08:10, Aktualitet CNA

Deputeti socialist, Koço Kokëdhima, tha se do ta dërgojë në Gjykatën Kushtetuese ligjin për dekriminalizimin pasi është antiligjor dhe i shërben opozitës.

Propozimi i Kokëdhimës ka përçarë grupin parlamentar socialist, të cilët janë shprehur pro dhe kundër dërgimit të ligjit në Kushtetuese.

Deputeti socialist, Namik Kopliku, në një prononcim për gazetën ?Sot?, mbështet Koço Kokëdhimën, duke u shprehur se ligji për dekriminalizimin është hartuar në atë formë për të ?llastuar? opozitën.

?Mendoj se ka të drejtë! Nuk është mirë që për hir të mos ?acarimit? të opozitës të ndjekim axhendën e tyre provokuese, siç ishte rasti kur u votua ai ligj. Kjo ?llastoj? opozitën e tani kërkojnë çdo javë nga një ?kokë? deputeti të mazhorancës?, u shpreh deputeti Kopliku.

Ndërsa deputeti socialist i Qarkut të Gjirokastrës, Vladimir Kosta, apeloi se iniciativa të tilla që i shërbejnë vendit dhe politikës shqiptare duhet të ndiqen edhe nga deputetë të tjerë socialistë.

?Në vendet demokratike, të drejtën për të marrë opinione në Gjykatën Kushtetuese e ka cilido individ i këtij shteti kushtetues, dhe, për më shumë, e kërkon një deputet i cili përfaqëson interesat e një elektorati. Më tepër shoh të arsyeshme faktin se gjyqtarët në Kushtetuese, janë të ditur dhe të përgjegjshëm në punën e tyre. Me një fjalë nuk i vjen e keqja kujt nga kjo punë. Është një kërkesë e vëmendshme, i lumtë se këto iniciativa duhet t?i ndërmarrin edhe deputetë të tjerë, t?i shërbejnë vendit dhe për më shumë probleme të tjera?, u shpreh Kosta.

Gjithashtu, edhe Sadri Abazi mbështet Kokëdhimën. ?Mirë do bëjë!?, u shpreh Abazi

Propozimi i Kokëdhimës ka hasur edhe në kundërshtime të disa prej deputetëve.

Arben Çuko tha se tashmë ligji ka kaluar në marrëveshje me opozitën. ?Le ta çojë në Kushtetuese, por ky ligj tashmë ka kaluar në bazë të marrëveshjes së opozitës?, u shpreh Çuko.

Gjithashtu, edhe deputeti Vexhi Muçmata tha se për ligjin për dekriminalizimin nuk ka më nevojë më për komente. ?Ai ligj ka kaluar dhe nuk ka nevojë më për komente?, tha Muçmata.

Ndërsa Paulin Sterkaj tha se ligji mor konsensusin e të gjitha palëve. ?Ligji u kalua me konsensus?, tha Sterkaj.