Enno Bozdo ne prag arrestimi

14 Mars 2016, 18:27, Aktualitet CNA

Prokuroria nis hetimet ndaj ish-zëvendësministrit të Ekonomisë dhe Energjetikës Enno Bozdo, për akuzën e ?shpërdorimit të detyrës?.

ABC News ka mësuar se Prokuroria e Përgjithshme, ka deleguar hetimin ndaj zyrtarit të lartë në Prokurorinë e Tiranës.

Ai po hetohet në lidhje me procedurat dhe tenderimin e shitjes së tre hidrocentraleve, kompanisë turke, ?Kurum International? në shkurt të 2013-së me vlerë rreth 110 mln euro.

Burimet thonë se ky hetim, ka nisur pas kallëzimit të bërë nga Kontrolli i Lartë i SHtetit, ku nga verifikimi i materialeve kallëzuese, mësohet se prokuroria ka konstatuar element të veprës penale të ?shpërdorimit të detyrës?.

Si pasoj e së cilës, Prokuroria pretendon se i janë shkaktuar shtetit një dëm prej rreth 3.4 mln euro në shitjen e tre HEC-eve kompanisë turke.

Sipas prokurorisë, komisioni i vlerësimit të ofertave pranë ish-Ministrisë së Ekonomisë dhe Energjetikës i kryesuar nga ish-zv ministri Bozdo, në procedurat dhe kriterët e përcaktuara për shitjen e këtyre tre HEC-eve nuk ka parashikuar investimet e grantit zvicerian për rehabilitimin e këtyre HEC-eve.

Në asnjë raport paraprakë, komisioni i vlerësimit të ofertave, thuhet nga Prokuroria, nuk ka parashikuar investimin pranga e kryer në HEC-in e Ulzës dhe Shkopetit.

Investim ky i financuar Korporata Energjetike e Shqipërisë në formën e grantit nga qeveria aviceriane me vlerë prej 3.4 mln euro.

Investim është bërë në kuadër të memorandumit mes qeverisë shqiptare dhe asaj zviceriane, në projektin e reduktimit të humbjeve të energjisë elektrike, si dhe rehabilitimin e disa HEC-eve. Mes tyre Shkopetin dhe Ulzën.

Ky investim nuk është evidentuar në asnjë rasport, para shitjes së HEC-eve tek kompania Kurum International, pasi kjo shumë duhej shtuar te vlera e blerjes së tyre.

Për këtë fakt, Prokuroria dyshon se mos evidentimi I kësaj shume si investim, ka pas për qëllim favorzimin e kompanisë turke ?Kurum International?, e cila bleu 100 % të aksioneve të tre HEC-et, atë të Ulzës, Shkopetit dhe Bistrica 1 e Bistrica 2 me vlerë rreth 110 mln euro.

Ndërkohë, vetëm pak ditë më parë, kompania turke Kurum International, i është drejtuar Gjykatës së Tiranës, duke kërkuar të shpall falimentimin e saj, për shkak të mospagimit të kredive të mëdha, që kompania ka marrë.