web counter
LEXO PA REKLAMA!

SHKARKO APP

App Store
Google Play

E fundit!

x

Sherr mes ministrave për punësimet/ Milena Harito drejt largimit

13 Mars 2016, 07:28, Aktualitet CNA

Rekrutimet në piramidën e administratës publike kanë sjellë mosmarrëveshje dhe nervozizëm mes ministrave të kabinetit Rama, gjë që ka sjellë kërkesën për largimin e Ministres së Shtetit për Inovacionin dhe Administratën Publike, Milena Harito. E përditshmja “Sot” bën me dije se shumica e ministrive, kryesisht ato të administruara nga Lëvizja Socialiste për Integrim, funksionojnë prej disa muajsh me 65 për qind të stafit. Me staf të reduktuar dhe të cunguar funksionojnë edhe disa drejtori të rëndësishme në varësi të ministrive. Çdo ministri ka me dhjetëra vende vakante, por nuk ka konkurse, nuk ka kandidatë, nuk ka procedura rekrutimi. Ndërkaq, përmbysja e organigramave të ministrive, pra ndryshimet e thella strukturore dhe përshkrimi i funksioneve, sipas një projekti të qeverisë, i ka dyfishuar efektet e ngërçit. Kryesisht mungojnë specialistët, shoferët, koordinatorët, përgjegjësit e sektorëve, punonjësit në zyrat e informacionit etj.

“Sot” shton se të gjithë anëtarët e kabinetit qeveritar i kanë nisur disa shkresa ministres së Shtetit për Inovacionin dhe Administratën Publike, Milena Haritos, të cilës i kanë kërkuar zhbllokimin e procedurave për rekrutimet e reja në administratë dhe gjetjen e mekanizmave për të ulur numrin e dështimeve të rekrutimeve. Pas mosmarrëveshjeve me zonjën Harito, ministrat e kanë adresuar shqetësimin e tyre edhe tek kryeministri Edi Rama, i cili duket se po bën një tjetër llogari, me kontekst elektoral. Disa nga ministrat i kanë kërkuar kryeministrit të ndërhyjë për të zgjidhur situatën e paprecedentë, ndërsa kanë paralajmëruar edhe pasojat në performancën e tyre që sjellë mungesa e stafit. Ministrat i kanë kërkuar edhe privatisht kryeministrit që të shkundë Departamentin e Administratës Publike.

Ndërkohë, deputetët e Partisë Socialiste janë përfshirë në një kurs përplasjesh me ministren e Shtetit për Inovacionin dhe Administratën Publike, Milena Harito. Deputetët kanë identifikuar zonjën ministre dhe drejtoreshën e DAP si përgjegjës për dështimin e qindra konkurseve për vende vakante në administratë, vende për të cilat deputetët kishin rekomanduar mbështetës dhe anëtarë të Partisë Socialiste. Tensioni është shtuar pas bllokimit pa afat të rekrutimeve të reja. Sipas burimeve, disa deputetë të Partisë Socialiste, i kanë kërkuar shefit të qeverisë të shohë mundësinë e largimit të ministres Milena Harito, e cila po shton koston për Partinë Socialiste. Pas kritikave të forta në disa mbledhje të grupit parlamentar dhe komisionet parlamentare, deputetët mësohet se i kanë kërkuar shefit të qeverisë zëvendësimin e ministres para hyrjes në vitin zgjedhor.





Lajmet e fundit nga