web counter
LEXO PA REKLAMA!

SHKARKO APP

App Store
Google Play

E fundit!

x

Video-fakt/ Zbardhet gënjeshtra e Blendi Klosit në Asamble

12 Mars 2016, 17:16, Aktualitet CNA

Ministri i Punës dhe Ceshtjeve Sociale Blendi Klosi, për herë të dyte në Asamblenë Socialiste përmendi faktin se ne Korçë ka 5 mije vende te lira pune. Sic e shikoni edhe nga video e mëposhtme, ai shprehet se “Korça ka 5 mijë vende pune por nuk ka 50 kasapë”. Zoti Klosi ne fakt është në përseritje sepse këtë qëndrim ai e mbajti edhe pak kohe më parë kur vizitoi një nga bizneset e sallamerisë në Korçë. Tha të njejtat fjalë në të njejten menyre krahasuese.

Herën e parë qendrimin e tij e mora si një reklamë politike, një veprim që cdo minister e bën rëndom. Ai kërkon të reklamoje punën e tij dhe për këtë do bëjë edhe pak show. Por në fakt show i Klosit rezulton të jetë i pavertetë.

Për të vërtetuar fjalën e Klosit në Asamblenë e ditës së mërkurë, gjatë këtyre ditëve bëmë një verifikim për atë që tha Ministri Klosi. Sipas tij, në Korcë ka 5 mijë vende punë, në fakt burime konfidenciale nga zyra e punës në Korçë i thanë Citynews se në këtë qark aktualisht maksimumi mund të ketë 200 vende pune.

Pra është e dukshme, vendet e punës në Korçë janë 25 herë më pak nga ato që deklaron ministri.

Më tej u bë dhe një verifikim tjetër, gjatë vitit të kaluar në Korçë janë punësuar apo janë shpallur për gjatë gjithë vitit 2015 mbi 4 mijë vende pune. Këtu përfshijmë edhe për punësimin sezonal. Ndërtimi i TAP, fabrika e duhanit janë kryesoret në punësim, por të dyja janë sezonale. E para me afat më të gjatë, e dyta një punë sezonale, por edhe shumë problematike.

Pra rezulton që Ministri shifrën që ka deklaruar për vendet e punës sot në Korçë të mos jenë aspak të vërteta. Aty gjatë gjithë vitit 2015 janë shpallur gati 4 mijë vende pune, ku i gjeti Klosi sot 5 mijë? Në fakt aktualisht mund të jenë rreth 200, sipas burimeve të citynews.

Qeveria nuk meret me punësimin e vërtete dhe real, por gënjen me shifrat. Papunësia në qytetet e qarkut të Korçë është në nivele të frikshme mund të shkoje është mbi 50% tek të rinjtë. Por asnjëri prej tyre nuk është një nga ata 50 kasapë që kërkon Blendi Klosi./citynews

VIDEO





Lajmet e fundit nga