E fundit!

09:13 Aktualitet

“Me FB fals, por origjinal”/ Rama thumbon Qorin, Lapajn dhe Shehajn

Kryeministri Edi Rama ka ironizuar njerëzit e infiltruar t...

Letra për Nishanin e Manjanin/ Tahiri: Gjyqtari Laurent Fucia liroi një të arrestuar me armë

12 Mars 2016, 15:57, Aktualitet CNA

Ministri i Brendshëm Saimir Tahiri, në një letër dërguar Presidentit të Republikës dhe njëkohësisht kryetarit të Këshillit të Lartë të Drejtësisë dhe ministrit të Drejtësisë, Ylli Manjani, denoncon një rast flagrant, sipas Tahirit, kur një gjyqtar në Vlorë ka liruar një person të arrestuar në kushtet e flagrancës me një pistoletë që e mbante pa leje.

Në letër, Tahiri shprehet se ekzistojnë dyshime se nga ana e gjyqtarit janë kryer veprime jo korrekte. Tahiri i kërkon Nishanit dhe Manjanit që të vlerësojnë rastin e gjyqtarit Laurent Fuçia, pasi dyshohet se ka liruar një të arrestuar, i cili u kap me armë në qytetin e Vlorës.

?I arrestuari u kap nga policia me armë pa leje. Prokuroria kishte kërkuar arrest me burg për të arrestuarin ndërsa gjyqtari Laurent Fuçia e ka zbutur masën në detyrim paraqitjeje?, shkruan ministri.

Ministri Tahiri, në letrën e tij shprehet:

?Gjykata e Rrethit Gjyqësor Vlorë dhe konkretisht gjyqtar Laurent Fuçia, ka marrë në shqyrtim në seancën gjyqësore, çështjen e referuar nga Prokuroria në ngarkim të shtetasit Vasil Papa, në datën 27.02.2016, ku ka vendosur pranimin pjesërisht të kërkesës; ka vlerësuar të paligjshëm arrestimin e këtij shtetasi si dhe ka caktuar masën e sigurimit persona ?detyrim për tu paraqitur në Policinë gjyqësore?. Po kështu, në të njëjtin vendim është urdhëruar edhe lirimi i menjëhershëm i shtetasit Vasil Papa?!

Shfaqet qartë se gjyqtari në fjalë nuk e konsideron rrezikshmërinë e veprës penale, të pasojave që mund të rrjedhin prej konsumimit të kësaj vepre penale; si dhe nënvlerëson rrezikshmërinë e personi në dritën e fakteve të parashtruara në dosjen hetimore, duke zbutur në mënyrë flagrante masën e sigurimit personal ndaj shtetasit Vasil papa, në kundërshtim me pikën 3, germat ?b? dhe ?c? të nenit 228 i Kodit të Procedurës Penale. Nisur nga sa më sipër, ekzistojnë dyshimet, besoj të bazuara, se nga ana e gjyqtarit Laurent Fuçia janë kryer veprime jo korrekte, në shpërdorim të detyrës së gjyqtarit dhe besimit me të cilin kjo detyrë vishet, duke favorizuar personat nënë hetim, të cilët kanë përfituar padrejtësisht lirimin e menjëhershëm?.