web counter
LEXO PA REKLAMA!

SHKARKO APP

App Store
Google Play

E fundit!

x

Forumi në Baku/ Presidenti Nishani takime me homologë

11 Mars 2016, 10:09, Politikë CNA

Presidenti i Republikës, Bujar Nishani, gjatë pjesëmarrjes në Forumin dy ditor Global të Baku-së, zhvilloi takime dypalëshe me Presidentin e Azerbajxhanit, Ilham Aliyev, Presidentin e Gjeorgjisë, Giorgi Margvelashvili, Presidentin e Maqedonisë, Gjorge Ivanov, si dhe biseda të shkurtra me homologë të tjerë pjesëmarrës në Forum.
Në takimin me Presidentin Aliyev u vlerësuan si shumë të mira marrëdhëniet politike mes dy vendeve, si dhe dëshira e vullneti i përbashkët për t?i intensifikuar ato në të gjitha fushat me interes të ndërsjellë.
Presidenti Nishani shprehu mirënjohjen për mbështetjen që pala azere i ka dhënë projektit të gazsjellësit TAP në kuadrin e Korridorit të Jugut, si dhe shprehu besimin se implementimi i këtij projekti madhor do t?i hapë rrugën gazifikimit të Shqipërisë dhe do t?i forcojë më shumë marrëdhëniet ekonomiko-tregtare mes dy vendeve.
?Implementimi i projektit TAP do të ketë një impakt shumë pozitiv edhe për rajonin e Ballkanit Perëndimor?, u shpreh Presidenti Nishani.
Nga ana e tij, Presidenti Aliyev u shpreh i sigurte për implementimin në kohë të gazsjellësit TAP dhe shumë optimist për të ardhmen e bashkëpunimit mes dy vendeve. Ai, bazuar në eksperiencën e vendit të tij, shprehu gjithashtu mbështetjen dhe interesin e Azerbajxhanit për procesin e gazifikimit të Shqipërisë. Gjithashtu, ai shprehu vullnetin e palës azere për planifikimin dhe ngritjen hap pas hapi të marrëdhënieve mes dy vendeve në nivele të tjera më të larta partneriteti, ashtu si edhe me disa vende të tjera fqinje me Shqipërinë dhe anëtare të Bashkimit Evropian.
Të dy bashkëbiseduesit ranë dakord për të nxitur bashkëpunimin e mëtejshëm të biznesit mes dy vendeve, përmes dhe kontakteve të drejtpërdrejta mes tyre, si dhe organizimin e një Forumi të Përbashkët Ekonomik për hartimin e një platforme konkrete për bashkëpunimin që mund të realizohet shumë shpejt në kuadrin e vizitës së planifikuar në Shqipëri të Presidentit të Azerbajxhanit.
Bujar Nishani me Presidentin e Republikës së Gjeorgjisë, Giorgi Margvelashvili, 36Gjatë takimit me Presidentin e Gjeorgjisë, Giorgi Margvelashvili, u bisedua për mundësinë e nxitjes së bashkëpunimit dypalësh, si dhe bashkëpunimin në kuadrin e Aleancës së Atlantikut të Veriut. Presidenti Nishani e siguroi homologun gjeorgjian për interesin e Shqipërisë për t?i zhvilluar marrëdhëniet me Gjeorgjinë, si dhe e njohu atë me kontributin e palës shqiptare në kuadër të bashkëpunimit rajonal, si dhe në kuadrin e çështjeve të sigurisë si vend anëtar në NATO. Presidenti Nishani e siguroi homologun gjeorgjian për mbështetjen që Shqipëria, si vend anëtar i NATO-s, i jep politikës së dyerve të hapura të aleancës. Të dy bashkëbiseduesit ranë dakord për nevojën e nxitjes së kontakteve të drejtpërdrejta mes bizneseve të të dy vendeve.
Bujar Nishani me Presidentin e Republikës së Maqedonisë, Gjorge Ivanov,Ndërsa me Presidentin maqedonas, Gjorge Ivanov, Presidenti Nishani evidentoi solidaritetin e Shqipërisë me përpjekjet e Maqedonisë për përballimin e krizës së refugjatëve me të cilët ky vend po përballet, si dhe theksoi mbështetjen e mëtejshme të Shqipërisë për procesin e integrimit të saj në NATO.
Presidenti Nishani theksoi gjithashtu, se marrëdhëniet mes dy vendeve janë jo vetëm fqinjësore, por edhe miqësore dhe se Shqipëria është e interesuar për stabilitetin dhe prosperitetin e Maqedonisë. Në këtë aspekt, Presidenti Nishani vlerësoi se një rol shumë të rëndësishëm luan dhe zbatimi i plotë i Marrëveshjes së Ohrit, e cila i shërben së pari dhe mbi të gjitha stabilitetit dhe prosperitetit të vetë Maqedonisë dhe është edhe në dobi të rajonit.
Kreu i Shtetit rikonfirmoi mbështetjen e plotë që Shqipëria vazhdon t?u japë të gjitha vendeve të rajonit, përfshirë Maqedonisë dhe Malit të Zi, për anëtarësimin në NATO, duke e shndërruar rajonin në eksportues dhe jo vetëm importues të sigurisë. Gjithashtu, mes dy Presidentëve u bisedua edhe për zhvillimet rajonale dhe kërcënimet dhe sfidat nga terrorizmi dhe kriza e refugjatëve.
Në kuadrin e qëndrimit në Azerbajxhan, Presidenti Nishani u takua edhe me një grup të vogël shqiptarësh që jetojnë e punojnë në këtë vend, duke i siguruar për vëmendjen në rritje që shteti shqiptar u kushton nevojave dhe kërkesave të shqiptarëve që jetojnë jashtë atdheut.ATA





Lajmet e fundit nga