E fundit!

19:06 Aktualitet

Mbahet protesta e 27-të kundër qeverisë, qytetarët drejt Kryeministrisë

Këtë të premte po mbahet në Tiranë protesta qytetare e 27-...

Denoncimi në Fiks Fare për Moratoriumin e Pyjeve/Prerjet vazhdojnë në qarkun e Beratit

3 Mars 2016, 21:39, Aktualitet CNA

?Fiks Fare? shkoi në fshatin Sevran i Vogël të Skraparit, arsyeja për këtë është dëmtimi që po i bëhet mjedisit. Prerja e pyjeve në këtë zonë shkakton shumë dëme.

?Në fshatin tonë këto është bërë batërdia. Është shfrytëzuar komplet lënda me lis bung që para ?90-ës shteti nuk e lejonte ta shfrytëzonte se ishte për lëndë ndërtimi me dokumente. Tani është prerë për dru zjarri?, thotë një fshatar.

Kryeplaku Hajri Çela tha se askush nuk e ka pyetur komunitetin, as atë vetë, për lejen e shfrytëzimit. ?Asnjë nuk ka pasur me mua si kryeplak. Askush nuk ka pyetur, nuk është bërë asnjë inspektim, asgjë?, thotë ai.

Pas ankesës së banorëve të zonës, ?Fiks Fare?, iu drejtua pronarit të pyllit. ?Unë kam pjesët e mija dhe ia kam dhënë këto pjesë në shfrytëzim firmës ?Koromani?. Unë paguhem për 1 metër kub 6 mijë lekë?, tha Ismail Çuni.

Gjatë dy viteve 2015 dhe 2016, firma ?Koromani? me leje shfrytëzimi ka prerë 31hektarë pyje. ?Sipërfaqja në vitin 2015 është 17.5 hektarë, kurse këtë vit është 16 hektarë. Kam respektuar kriterin që kërkon që duhet lënë 10% të pemëve. Drutë i shesim për nevoja të njerëzve, shumë pak i kemi eksportuar?, thotë administratori i firmës ?Koromani?, Çlirim Koromani.

Mirëpo, kryeplaku Çela thotë se janë prerë të gjitha pemët dhe kjo do të sjellë pasoja. ?Ne si banorë që u shqetësuam të gjithë është për shkak të erozionit. Tani do të jetë problem edhe për blegtorinë?, thotë ai.

Inspektori i zonës nga Ministria e Mjedisit që ka vizituar bashkë me ?Fiks Fare? këtë zonë, thotë se pemët do të mbihen vetë, por sa vështirë do të jetë të mbijnë filizat e lisit apo të ahut në një kohë kur thundrat e bagëtive dhe jashtëqitjet e tyre janë gjithandej të përhapura?

Gramoz Sheshi, inspektor pyjesh, tha se kompania ka respektuar 100% kriteret, edhe pse nuk i kujtonte se cilat ishin ato kritere. Sheshi gjithashtu thotë se shumë shpejt bagëtitë nuk do të lejohen të hyjnë në parcelat ku është bërë shfrytëzim në mënyrë që të mbijnë filizat.

Mirëpo, në këtë fshat janë 1 mijë krerë bagëti dhe kryeplaku thotë se ato në këto zonë do të hyjnë, por inspektori Sheshi thotë se Inspektoriati i Policisë Pyjore do të kujdeset që ky rregull të zbatohet.

Por, Sevrani i Vogël i Skraparit nuk ka qenë e vetmja zonë e shfrytëzuar nga firma ?Koromani?. Levani i Beratit është një tjetër zonë e shfrytëzuar pa kriter. ?Për një pjesë thonë se ka leje, por për një tjetër nuk besoj të kenë se ato jonë toka tona?, thotë një fshatar.

Edhe pas daljes së projektligjit për moratoriumin e pyjeve në këtë zonë ka vazhduar prerja. Këtë gjë e tregojnë edhe vetë punëtorët. ?Dru ahu, lisi… këto i premë. I kemi prerë sot?, thotë një punëtor.

Pavarësisht se me leje shfrytëzimi, në këtë zonë janë prerë edhe pemë të cilat janë të ndaluar të priten, si panja apo dëllinja, të cilat mbrohen me ligj nga shteti shqiptar.