web counter
LEXO PA REKLAMA!

SHKARKO APP

App Store
Google Play

Lezhe policia jep versionin zyrtar per vrasjen e biznesmenit

24 Shkurt 2016, 15:28, Kronika CNA

Shtetasi Landi Koka ka mbetur i plagosur pasi është qëlluar në kokë nga dy persona tek mbikalimi në Ishull Lezhë. Policia ka dhënë detaje të reja për ngjarjen.

Sipas policisë  sot rreth orës 10.35, është  njoftuar se tek  Mbikalimi në Ishull Lezhë është një mjet B.M.Ë.  me targë AA383EH , ku drejtuesi i mjetit është i gjakosur.

Menjëherë kanë vajtur shërbimet e policisë në vendngjarje ku është konstatuar se drejtuesi këtij mjeti, shtetasi Landi Gjet Noka, 45 vjeç, banues në Sheshaj Mirditë pronar i një biznesi me lëndë drusore dhe qymyrgurit.

Burime nga policia thanë se nga kqyrja e vendit të ngjarjes janë gjetur dhe sekuestruar në cilësinë e proves materiale 2 gëzhoja arme të tipit T.T.

Nga veprimet e shpejta hetimore dhe verifikuese nga ana e grupit hetimor të policisë ka rezultuar se autorë të dëmtimit të shtetasit Landi Noka, janë shtetasit Landi Kaçorri dhe Gjergj Kaçorri

Ata  janë shpallur menjëherë në kërkim dhe po punohet për kapjen  e tyre.

Nga veprimet e para hetimore rezulton se këta shtetas janë konfliktuar fizikisht duke e goditur me mjete të forta shtetasin Land Noka në kokë dhe nga shtetasit e shpallur në kërkim është qëlluar në ajër me armë zjarri.

Shkak i konfliktit dyshohet të jenë mosmarrëveshjet me motiv konkurencë të biznesit të tyre me lëndë drusore dhe qymyrgur.

Gjithashtu shkak ka qënë edhe ngjarja e ndodhur  me datë 22.02.2016 , ku në Komisariatin e  Policisë Mirditë ka shkuar shtetasi Marjo Gjet  Noka , banues në Rrëshen , i cili ka bërë kallëzim se në orën 14:10 të po kësaj datë ka qënë duke shkuar në shtëpi me familje dhe shtetasit Tanush (Tonin) Kaçorri dhe Land Kaçorri i kanë dalë përpara duke e ofenduar, sharë dhe ku kanë tentuar të veprojnë edhe me duar. Por shtetasi Marjo Noka nuk u është përgjigjur duke u larguar me makinë për në shtëpi ku dhe është ndjekur nga ata deri tek banesa e tij.

Për këtë ngjarje janë referuar materialet hetimore në Prokurorinë e Rrethit Gjyqësor Lezhë për veprën penale ?Fyerja? .

Vazhdojnë hetimet intensive për kapjen e shtetasve të shpallur në kërkim.





Lajmet e fundit nga