E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Kastriot Myftaraj/ Çfarë bëjnë sot Ambasadat që dikur sponsorizuan protestuesin e luksit Erion Veliaj

22 Shkurt 2016, 17:04, Opinione CNA

Për shumë vite ambasadat kryesore perëndimore në Shqipëri, që nga ajo amerikane, te ambasada gjermane, holandeze, daneze e deri te Ambasada e Bashkimit Europian në Tiranë, pa përmendur këtu fondacionet perëndimore në vend, me atë ?Soros? në ballë, sponsorizuan financiarisht dhe politikisht Erion Veliajn, duke ua paraqitur shqiptarëve si njeriun që do t? i mësonte si të protestonin. Protestat e Erion Veliajt me Lëvizjen ?Mjaft? të drejtuar prej tij, kushtonin secila aq sa regjisorët dhe aktorët e njohur shqiptarë të filmave artistikë nuk guxonin të ëndërronin buxhetin e një filmi artistik të realizuar në vend, me sponsorizim të huaj. Ambasadorët bëheshin edhe bodyguardë të Erion Veliajt, duke e mbrojtur atë dhe protestuesit e luksit të paguar me dieta në kuadrin e projekteve me financim të shumëfishtë, edhe nga ngacmimi më i vogël.
Shndërrimi i emigrantit anonim Erion Veliaj në një personalitet publik ishte një operacion kostoja e të cilit arriti në 15 milion euro të paguara nga ambasadat dhe fondacionet e huaja në Tiranë, por që iu llogaritën Shqipërisë si asistencë teknike nga vendet përkatëse. Në sajë të këtij investimi Erion Veliaj u bë politikan i ardhur nga shoqëria civile, dhe sot si kryetar i Bashkisë së Tiranës është pushtetar i rëndësishëm, sundimtar i plotfuqishëm i një Tirane të zgjeruar në kufijtë administrativë, si në kohën e sanxhakut të toptanasve.
Sot kundër pushtetarit Erion Veliaj sot protestohet nga shoqëria civile e cila nuk del në protestë pasi ka aplikuar nëpër ambasada dhe fondacione me projekte për të bërë protesta luksi, me dieta të larta. Sot protestohet nga shoqëria civile dhe qytetarët të cilët nuk kanë si bodyguardë ambasadorët kur përballen me dhunën shtetërore. Të gjitha ambasadat që kanë sponsoruar dikur Erion Veliajn, që kanë bërë bodyguardin e tij, sot heshtin.
A thua janë të njëjtat ambasada? A thua dje apo sot ka pasur ambasad-horra dhe jo amabasadorë në to? A thua ata mendojnë se qytetarët kanë harruar se Erion Veliaj që po sillet me Tiranën si me oborrin e babait të tij, është krijesë e këtyre ambasadave? A thua nuk iu besohet se dhuna që ushtron sot Eri i tyre ndaj qytetarëve, mund gjenerojë si pasojë e provokimit të tij dhe të kapërcejë madje edhe muret e ambasadave?