E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Historia e vrasësit me pagesë Kristi Pine dhe “shefit” të tij Admir Tafilaj

15 Shkurt 2016, 18:14, Aktualitet CNA

Burgu jo vetëm një vend i vuajtjes së dënimit por edhe i rekrutimit të personave për tu bërë vrasës. Kështu ka ndodhur me rastin e Kristi Pines, tashmë 25 vjeç. Në kohën kur është dënuar për vjedhje ai ishte vetëm 18 vjeç dhe për ironi të fatit i qëlloi të ishte me një qeli me të dënuarin me burgim të përjetshëm Admir Tafili në paraburgimin e Bradasheshit në Elbasan.

Tafili, sipas dosjes së Burgjeve, rezulton i dënuar për disa vrasje të kryera për gjakmarrje dhe tre arratisje nga ambientet e Burgut të Sigurisë së Lartë. Referuar deklarimeve të Kristi Pines, që tashmë ka fituar statusin e të penduarit, ka qenë Tafilaj ai që e ka mbrojtur dhe mbajtur afër në burg nga të dënuarit e tjerë, që jo rrallë herë kanë qenë të dhunshëm. Për këtë fakt, Pine ka deklaruar se i detyrohej Tafilaj, i cili i kishte kërkuar të bënte vrasjen e parë në jetën e tij për nder, raporton ABC News.

kristi pine Vrasje të cilën e ka kryer në Shkodër, ku është ekzekutuar në oborrin e shtëpisë së tij Ibrahim Mani. Këtë vrasje, Pine e ka kryer më 25 qershor 2014 dhe në bazë të deklarimeve ia kishte kërkuar Tafilaj ta kryente për llogari të një familje me të cilët Mani kishte hasmëri. Sipas prokurorisë, në rastin e Ibrahim Manit, dyshohet se Admir Tafilaj ka përfituar një shumë të konsiderushme parash për të kryer ekzekutimin.

Pas vrasjes në Shkodër, që Pine pranon se ka qenë e para në jetën e tij, atij i është kërkuar nga bashkë i pandehuri tjetër Alfred Qefalia të vrasë shtetasin Edmond Çakmashin në Shkozë të Tiranës.

Për këtë vrasje, Pine thotë se ishte në dijeni edhe Admir Tafili nga burgu, i cili ka insistuar të kryent vrasjen dhe do merrte shumën prej 15 mijë eurove. Mbremjen e datës 3 shtator të 2014 Pine është afruar pranë makinës së parkuar brenda të cilës ndodhej Edmond Çakmashi dhe ka qëlluar disa herë në drejtim të tij.

Pine i ka thënë prokurorisë se nuk donte ta vriste por vetëm ta plagoste. Për këtë fakt, ai ka kërkuar shumën prej 7500 euro por që nuk i është dhënë. Kristi Pines me kërkesë të Tafilajt i është kërkuar të pregadiste dhe kryente vrasjen e shtetasit Leonard Muratin në Durrës kundrejt 50 mijë eurove e nëse ekzkutonte edhe nipin e Muratit do të paguhej me 100 mijë euro.

Por këtë vrasje të ndodhur në fund të tetorit në lokalin e viktimës në Durrës, i pandehuri Pine thotë se nuk e ka kryer ai por dy persona të tjerë. Ndërkohë grupi që drejtohej nga Tafili ka marr 25 mijë euro ndërsa Pines i kishin dhënë vetëm 3 mijë euro. Më pas në dhjetor të 2014 Pine është kontraktuar nga një person për të ekzekutuar shtetasin M.Lila kundrejt 50 mijë eurove. Vrasje të cilën nuk e kishte kryer pasi nuk kishte arritur të gjente mundësinë.

Për këto dhe ngjarje të tjera, tashmë ndodhen në gjyq 13 të pandehur, të cilët nën drejtimin e të pandehurit Admir Tafilaj kanë vrarë 1 person, kanë plagosur 1 tjetër dhe kanë organuzuar vrasjen e 3 personave të tjerë por fatmirësisht nuk i kanë kryer për rrethana të ndryshme.