web counter
LEXO PA REKLAMA!

SHKARKO APP

App Store
Google Play

E fundit!

x

Antenat në qendër të Korçës janë pa leje

15 Shkurt 2016, 14:26, Aktualitet CNA

Antena në qendër të Korçës ka rezultuar se nuk ka asnjë leje mjedisore nga Agjensia Rajonale e Mjedisit. Studioja Ligjore ?Ballauri?, e cila e ka ndjekur këtë problem, thekson se kjo Bashkia e Korçës nuk ka asnjë informacion nëse rrezatimi është brenda normave të lejuara. Nga interesi i madh i qytetarëve të Korçës, kjo studio ligjore ka publikuar kërkesat e saj ndaj institucioneve përkatëse.

Deklarata e Studios Ligjore ?Ballauri?:

Studio Ligjore ?BALLAURI? e iniciuar nga qindra banorë të qytetit të Korçës ka kërkuar zyrtarisht informacion mbi dokumentacionin që ka lidhje me këtë objekt tek organet përgjegjëse. Gjatë korenspondencës me institucionet kompetente për lejimin, matjen e rrezatimit dhe mbrojtjen e qytetarëve kemi konstatuar se objekti që ndër vite përbën shqetësim serioz për banorët e Lagjes 12, por jo vetëm, qëndron në kushte të një paligjshmërie të plotë. Në përgjigje të kërkesës tonë për informacion Bashkia Korçë ka konfirmuar, se nuk disponon asnjë dokument dhe asnjë të dhënë tjetër për këtë stacion rrezatimi, përveç një leje ndërtimi të kullës të marrë nga KRRT e Rrethit Korçë, me vendim Nr.229 date 19.07.1996. Bashkia shprehet se në lidhje me instalimet e transmetuesve si nga ana cilësore po ashtu edhe nga ana sasiore nuk ka informacion. Për lejën mjedisore deklaron se nuk disponon asnjë leje. Për matjet e rrezatimit qe kanë këto transmetues, Bashkia nuk ka asnjë informacion dhe nuk disponon asnjë lloj matjeje. Bashkia Korçë deklaron se nuk ka asnjë informacion nëse rrezatimi është brenda normave të lejuara apo jo.
Studio Ligjore ?BALLAURI? i është drejtuar me shkresë zyrtare për të marrë informacion Zyrës së Mbrojtjes nga Rrezatimi. Institucioni kompetent ndër të tjera deklaron se: ?Nga verifikimi i bërë në ZMR nuk rezulton që KMR të ketë pajisur me akt miratimi këtë stacion për të cilin ju referoheni si dhe adresen përkatëse?. Në një kohë që Ligji Nr.10 469, datë 13.10.2011 ?Për mbrojtjen nga rrezatimet jojonizuese? i ndryshuar, detyron subjektet që kryejnë veprimtari me burime të rrezatimit jojonizues, që të pajisen me akt miratimi, askush deri më sot nuk i është drejtuar këtij institucioni për pajisje me akt miratimi.
Studio Ligjore ?BALLAURI? i është drejtuar Agjensisë Rajonale të Mjedisit, si institucioni përgjegjës për lëshimin e lejeve mjedisore, i cili deklaron se për këtë stacion nuk disponon asnjë informacion. Pra, organi kompetent jo vetëm që nuk ka dhënë leje, por nuk disponon asnjë të dhënë për këtë objekt.
Natyrshëm disa pyetje të lindin para këtyre fakteve?! Çfarë akti e legjitimon qëndrimin e këtij stacionin në këtë vend? A është i dëmshëm rrezatimi që lëshojnë këto antenna dhe pajisje transmetimi? Kush e ka lejuar pa asnje leje gjatë gjithë ketyre viteve këtë stacion? Kush mban përgjegjësi për këtë paligjshmeri? Në këto kushte paligjshmërie a është i ligjshëm pretendimi i banorëve që ky stacion është burim sëmundjesh? Në këto kushte paligjshmërie a na lind e drejta t?i drejtohemi Bashkisë Korçë dhe Këshillit Bashkiak që të marrin masa të menjëhershme dhe vendim për zhvendosjen e këtij stacioni?
Studio Ligjore ?BALLAURI?, në vijim dhe të kërkesës që qindra qytetarëve nisur nga paligjshmeria e këtij objekti ka dërguar kërkesë Bashkise Korçë dhe Këshillit Bashkiak për zhvendosjen e këtij stacioni antenash larg qendrave të banuara.

Në detyrim të mijëra qytetarëve të interesuar Studio Ligjore ?BALLAURI? bën publike kërkesën e sipër cituar.
(të gjitha pergjigjet e institucioneve që vërtetojnë paligjshmerinë e këtij stacioni i gjeni bashkelidhur)





Lajmet e fundit nga