web counter
LEXO PA REKLAMA!

SHKARKO APP

App Store
Google Play

Kryeministria kallëzon penalisht deputeten Albana Vokshi

23 Janar 2016, 14:02, Politikë CNA

Zyra e kryeministrit Edi Rama, ka bërë me dije se do të kallëzojë penalisht për shpifje deputeten e Partisë Demokratike, Albana Vokshi. Sipas kryeministrisë, deputetja e PD ka shpifur mbi sektorin e shëndetësisë, ku ka përfshirë edhe emrin e kryeministrit. Në njoftimin për shtyp të kryeministrisë, thuhet se ka ardhur koha që Gjykata e Lartë të provojë shpifjet e kryera nga Albana Vokshi, si në rastin e deputetëve Edi Paloka dhe Arben Ristani.

Deklarata e Kryeministrisë

?Zyra e kryeministrit informon publikun se ka ndërmarre hartimin e kallzimit të deputetes Albana Vokshi për veprën e shpifjes. Deputetja e Partisë Demokratike ka marrë përsipër sektorin e prodhimit të baltës së shpifjeve për cdo nisëm të qeverisë në fushën e shëndetësisë. Në aktivitetin e saj të vazhdueshëm prodhues ajo në mënyrë të përseritur përfshin emrin e kryeministrit. Zyra e kryeministrit ka të gjitha arsyet e bazuara ne prova e fakte, për të besuar se fatkeqësisht deputetja Albana Vokshi i përket kategorisë së shpifesve profesionistë të nivelit të lartë politik në PD, si famëkëqinjte Paloka dhe Ristani. Këta te fundit u provuan si shpifës per perdorim partiak nga Gjykata e Lartë e Shqipërise, pasi nuk arritën të provojnë përpara trupit gjykues asgjë tjetër përvec faktit se shpifin për llogari të partisë së tyre. Ka ardhur koha që Gjykata e Lartë të kalojë në sitën e gjykimit të saj të pavarur e të paanshëm edhe akuzat e deputetes në fjalë. Njësoj si në rastet e shpifesve Paloka dhe Ristani, kryeministri Rama shpreh publikisht gatishmërinë e tij për të dhënë dorëheqjen, jo vetëm nga detyra po edhe nga aktiviteti i tij politik, nëse deputetja Vokshi do të provojë në gjykatë se shpifjet e saj ndaj kryeministrit nuk janë të tilla?.





Lajmet e fundit nga