Kreu i Policisë Rrugore: Ministrat dhe deputetët kalojnë me semafor të kuq

16 Janar 2016, 17:47, Aktualitet CNA

Kreu i Rrugores: Deputetë e ministra kalojnë me semafor të kuq. Kreu i Policisë Rrugore Tiranë, Ervin Dervishi ka deklaruar se ministrat dhe deputetët janë ndër shkelësit më të mëdhenj të rregullave të qarkullimit rrugor, ndërsa ka shtuar se shpesh iu janë hequr patentat pasi kanë kaluar semaforin me të kuqe. Në një intervistë për ?Gazeta Shqiptare? ai shprehet se ligji është i barabartë për të gjithë dhe se në ?sitën? e policisë kanë rënë edhe persona që janë me pozitë, si deputetë, gjyqtarë e avokatë, përveç kryeministrit.

?Për drejtuesit që kalojnë me semafor të kuq, për 2014-ën kanë qenë 2.700 raste, ndërsa për 2015-ën kanë qenë 10.147 raste të ndëshkuara. Mendoj se kemi një numër kaq të lartë, pasi drejtuesit nuk i kushtojnë rëndësi edukatës rrugore. Pjesa më e madhe e këtyre personave të ndëshkuar për këtë kategori, mund të them se janë ajo kategori personash, si avokatë, gjyqtarë, deputetë apo edhe profesorë-doktorë?- thotë ai.

Sipas tij, në disa raste ka pasur edhe disa mjete si fuoristrada të cilat kur janë ndaluar, drejtuesi i mjetit ka marrë një pozicion tjetër në mënyrën e komunikimit me policin rrugor dhe mendojnë se kanë të drejtë në udhëtojnë në çdo lloj mënyre.
?Pjesa më e madhe e personave të ndaluar të kësaj kategorie janë ndaluar për më shumë se 2 herë. Pikërisht në këtë pikë mund të përmend, se një nga arritjet dhe thyerjet e tabusë së Policisë Rrugore të Tiranës ka qenë ?Ligji është i barabartë për të gjithë?. Në këtë zbatueshmëri të ligjit nuk ka shpëtuar askush, përveç kryeministrit, sepse nuk ka timon, pra nuk ka makinë. Dhe, nëse do të kishte makinë dhe do të kishte thyer qoftë edhe një rregull të qarkullimit rrugor, do të isha unë ai që do ta kisha ndaluar i pari. Vetëm presidenti dhe kryeministri nuk janë ndaluar ndonjëherë, kurse pjesa tjetër nuk u kanë shpëtuar shkeljeve të qarkullimit, qofshin ministra, deputetë apo edhe familjarët e këtyre kategorive. Kalimi me semafor të kuq është masa që ka rrezikshmërinë më të lartë të aksidenteve, dhe këtu nuk mund të përjashtohet askush. Pjesa më e madhe e të ndëshkuarve janë njerëz me pushtet, njerëz me pozitë, njerëz me formim të lartë profesional e kulturor, por që të gjithë në edukatën rrugore janë 0?- është shprehur Dervishi.