web counter
LEXO PA REKLAMA!

SHKARKO APP

App Store
Google Play

Çmimi i lartë i naftës/ Shqipëria e para në Ballkan dhe Europë

16 Janar 2016, 13:21, Aktualitet CNA

Çmimi i naftës në Shqipëri vazhdon të jetë në nivelet më të larta historike. Ai varion nga 155 në 165 lekë në pika të ndryshme të  karburanteve. Pra, një çmim që shkon mbi 1.2 euro, i cili në raport me të ardhurat për frymë është më i larti në Europë .

Nga lista e publikuar nga ?fuel-price-europe? Rezulton se Shqipëria renditet e para në Ballkan dhe e gjashta në Europë, por përpara saj janë vende që kanë standart jetese dhe të ardhura për frymë më të larta.

Duke bërë një investigim të thjeshtë, na rezulton se gati 70% të çmimit të naftë që ne paguajmë sot, na i merr qeveria si taksa. Më konkretisht, në rast se një litër naftë kushton 160 lekë, 105 lekë i merr qeveria si taksa.

Vlera e taksës që na merr qeveria, ulet apo ngrihet në bazë të TVSH-së, e cila është 20%, por shuma që merr shteti ndikohet nga cmimi i blerjes me shumicë. Nga ana tjetër, diferenca e mbetur, e cila është edhe vlera më e madhe e taksimit, vjen nga taksat e drejtpërdrejta. Vetëm në dy vitet e fundit (2014, 2015) taksat mbi naftën janë shtuar minimalisht me 27 lekë.

Në rast se do ti hiqnim vetëm këtë vlerë të shtuar cmimit të naftës në treg, do të kishim një ulje prej të paktën 25%, dhe cmimi i naftës do të shkonte më pak se 1 euro. Cmimi i shtrenjtë i naftës në Shqipëri, duke e renditur vendin tonë të parin në Ballkan, por edhe në Europë, duke marrë parasysh të ardhurat për frymë, vjen vetëm nga taksat e larta të vendosura nga qeveria.

Ndërkohë që në tregun botëror, çmimi për fuçi i naftës, ka kapur minimumin historik prej 28 dollarësh për fuçi, duke pasur një rënie prej të paktën prej 2-3 herë, në vendin tonë çmimi nuk ka rënë vetëm 10 %. Kjo është diferenca reale midis çmimit që ulet disa herë në botë dhe vendit tonë që ka një ulje minimale për shkak të argumenteve të cilat përdorëm më lart, të cilat janë taksat dhe vetëm taksat e qeverisë./citynews





Lajmet e fundit nga