Të gjithë skenarët politikë që kërcënojnë vendin/ Referendumi, aleancat, qeveri teknike dhe zgjedhjet e parakohshme

16 Janar 2016, 10:49, Aktualitet CNA

Elvi FUNDO/citynews

Të gjithë skenarët janë në tavolinë. Lojë politike ka ende shumë, por ujrat duken mjaft të turbullt. Kreu i Kuvendit Ilir Meta duket të jetë turbulluesi kryesor, por një dorë i jep dhe kreu demokrat Lulzim Basha. ?Turbulloje që të pastrohet?, kjo mënyrë e thënë dikur nga populli po përdoret nga politika shqiptare sot. Turbullim që në fund mund të pastroje edhe vetë Metën, por nuk përjashtohet as kreu i qeverisë Rama i cili është i rrezikuari kryesor. As ai vetë nuk përjashtohet që të jetë vetë turbulluesi, pasi mund të jetë lodhur nga presioni i vazhdueshëm dhe skandalet e LSI-së në qeverisje.

Në të gjitha skenarët e mundshëm duket se Reforma në Drejtësi po e con vendin në zgjedhje në rast se ska një konsensus të gjerë politik. Basha dhe opozita duken stoike, Rama kërcënon me referendum, gjithcka vazhdon si një loje politike që nuk ndalet.

Skenari i parë

Konsensus politik i gjerë PS-PD-LSI, qeveria vazhdon ndoshta me ndonjë ndryshim të vogël. PS dhe Rama që të vazhdojnë reformën duhet të, mbajë të hapura negociatat me PD pasi do i duhen 2/3, në rast se opozita nuk tërhiqet nga ky opsion. Lodhje dhe stres për kryeministrin. Ky version zgjedhjet nuk i afron, ato zhvillohen në afatin e tyre ne vitin 2017.

Skenari i dytë

Referendumi popullor është nje opsion më vete që ka disa të panjohura dhe versione. Në rast se referendumi zhvillohet i njëanshëm nga kreu i qeverisë Edi Rama, pritet të kemi lëvizje politike të forta. Largim të Metës nga

qeveria dhe vazhdim të qeverisjes Rama-Idrizi & Co (kap c’të mundësh në sallë) deri në vitin 2017. Mazhorancë e brishtë, por jo e pamundur për të mbajtur qeverisjen.

Fitorja e referendumit është test për ndryshime të lehta në qeveri dhe levizje të detyruara për shkak të konjukturave të brendshme në PS. Në këtë rast duke testuar mbështetjen popullore, Rama mund të provokojë vetë zgjedhjet, në rast se ska një mazhorancë të re parlamentare.

Humbja e referendumit sjell zgjedhje të parakohshme, pasi qeveria humb legjitimitetin në popull. Qeveri tranzitore deri në zhvillimin e zgjedhjeve. Koalicion i gjerë ku mund të përfshihen të gjitha partite politike, duke krijuar një ?qeveri teknike?, deri në zgjedhjet e 2017.

Skenari i tretë

Ilir Meta largohet nga qeveria dhe se bashku me Lulzim Bashen, Republikanet, Dulen dhe te pakenaqur nga Rama (Ben Blushi), krijojnë mazhorancë të re kjo deri në zgjedhjet e 2017 ose përgatisin vendin për zgjedhje sipas një afati të paracaktuar. As Meta dhe as Basha Kryeministër.

Skenari i katert

Lulzim Basha refuzon cdo qeveri me Ilir Metën pas largimit të tij nga Edi Rama. Sërisht kemi një qeveri teknike, pa Ramën dhe pa Bashën kryeministër. Një qeveri PS-PD deri në zgjedhje.

Skenari i pestë

Meta kryeministër, PD nuk hyn në qeveri por i jep votat që të ketë një mazhorancë te re, se bashku me disa parti të vogla për të përgatitur vendin për zgjedhje të parakohshme.

Skenari i gjatshtë

Basha kryeministër në koalicion më LSI-në e Metës dhe parti të vogla deri në zgjedhjet e vitit 2017, ose ne nje afat te percaktuar me pare./citynews