web counter
LEXO PA REKLAMA!

SHKARKO APP

App Store
Google Play

Fatos Klosi: Koalicioni PS-LSI më i rëndësishëm se reforma në drejtësi

16 Janar 2016, 09:23, Aktualitet CNA

Ish kreu i Shërbimit Informativ Shtetëror, Fatos Klosi ka deklaruar se koalicioni PS-LSI nuk do të përçahet. Në një intervistë për gazetën ?Sot?, Klosi ka thënë se Rama dhe Meta nuk mund të prishin koalicionin për të sjellë në pushtet Sali Berishën. Sipas tij koalicioni qeveritar është më i rëndësishëm se sa vetë reforma në drejtësi, pasi pa votat e tyre kjo reformë nuk mund të miratohet.

“Nuk ka arsye që PS dhe LSI të ndahen. Koalicioni është shumë i rëndësishëm. Të gjithë thonë se reforma është shumë e rëndësishme, ndërsa për mua, koalicioni është akoma më i rëndësishëm. Pa koalicionin nuk mund të bëhet reforma. Nëse koalicioni përçahet, as reforma nuk do bëhej. Janë aq të mençur sa nuk do përçaheshin për reformën, por do ta aprovojnë atë. Berisha entuziazmohet kot! Janë aq të mençur sa të ruajnë koalicionin dhe të bëjnë edhe reformën. Berisha ta kishte bërë kur ishte vetë në pushtet. Është nga ata burra që kundërshtimin e ka parimor. Ishte 8 vjet në pushtet dhe nuk e bëri. Kundërshtimet e Berishës, mua më bëjnë vetëm për të qeshur! Janë false, janë absurde! Gjatë 8 viteve nuk e përmendi një herë reformën. Tani kujtohet. Berisha nuk e ka dashur Kushtetutën. Dhe tani flet në emër të Kushtetutës. Janë lodra politike dhe në funksion të pushtetit të tij. Kushtetutën nuk e deshi, nuk e miratoi, nuk e votoi. Të bësh reformën do të thotë të vësh rregull, të bësh shtet?, ka deklaruar Fatos Klosi. Ish-kreu i Shërbimit Informativ Shtetëror e sheh të qëndrueshëm, të domosdoshëm dhe jetëgjatë koalicionin mes Partisë Socialiste dhe Lëvizjes Socialiste për Integrim.





Lajmet e fundit nga