web counter
LEXO PA REKLAMA!

SHKARKO APP

App Store
Google Play

Sulmet terroriste/ Presidenti Nishani mbledh Këshillin e Sigurisë Kombëtare

21 Nëntor 2015, 20:25, Aktualitet CNA

Këshilli i Sigurisë Kombëtare i thirrur nga Presidenti i Republikës, Bujar Nishani u mblodh sot në selinë e Presidencës për të diskutuar mbi masat që duhen marrë për t?u përballur me terrorizmin, që kanos sot me shumë se kurrë botën pas sulmeve të fundit në Francë.

Mbledhja u mbajt pa praninë e mediave dhe përfundoi rreth orës 20 e 50 minuta.

Në mbledhje morën pjesë Kryeministri Edi Rama, kreu i Kuvendit Ilir Meta, ministri i Jashtëm Ditmir Bushati, ministri i Transportit Edmond Haxhinasto, ministri i Brendshëm Saimir Tahiri, ministri i Energjetikës, Damian Gjiknuri, ministri i Financave Shkëlqim Cani, ministri i Drejtësisë Ylli Manjani, shefi i Shtabit të Përgjithshëm të Forcave të Armatosura Jeronim Bazo, kryetari i Komisionit të Sigurisë Kombëtare Spartak Braho, kreu i Shërbimit Informativ Shtetëror, Visho Ajazi-Lika, Drejtori i Policisë së Shtetit, Haki Çako etj.

Në këtë mbledhje u vu theksi në nevojën e forcimit të bashkëpunimit dhe koordinimit mes institucioneve të sigurisë, ndërsa kryeministri Rama premtoi në atë kohë Qendrën Kombëtare të Sigurisë.

Megjithëse autoritetet shqiptare thonë se nuk ka një kërcënim konkret për Shqipërinë, në rrugët e Tiranës vërehen masa të përforcuara sigurie.

Edhe ministri i Brendshëm, Saimir Tahiri, ka deklaruar se qendrat tregtare, sheshet publike dhe institucione të ndryshme duhet të pajisen me masa shtese për parandalimin e akteve terroriste.





Lajmet e fundit nga