E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Meta e kordinoi dorëheqjen e Naços me Berishën

10 Nëntor 2015, 16:05, Aktualitet CNA

Dihet tashmë që dorheqjen e Naços Ilir Meta e ka planifikuar si shantazh ndaj Ramës. Dihet gjithashtu se ai është përpjekur që ajo të ketë një efekt sa më të madh mesiatik. Por ajo që dihet më pak është se shefi i LSI-së është kujdesur që këtë lëvizje ta bëjë në sinkron me Sali Berishën. Dhe kjo e fundit është e vërtetë. Një burim i Lapsit bën të ditur se një botues, mik i përbashkët i dy politikanëve i cili ka qenë dy ditë më parë në një bisedë kokë më kokë me Metën, është njoftuar për lëvizjen e mëpasshme, madje është autorizuar tia përcjellë këtë lajm edhe Berishës.
Kështu ka ndodhur. Meta jo vetëm qe i interesuar që të kuptohej se dorëheqja nuk qe për arsye “personale”, por ai donte të bënte pubkik dhe faktin se ajo po bëhej për reformën në drejtësi, në qëndrimin për të cilën ai ka me sa duket shumë të përbashkëta me Berishën. Dhe po të shohësh kronologjinë e ngjarjeve duket se ka pasur nje sinkronizim të plotë mes Metës dhe Berishës.
Sapo Naço dha dorëheqjen ish kryeministri qe i pari që reagoi duke shkruar se ajo po bëhej për shkak të reformës në drejtësi. Ja starusi i tij ne Facebook:

“Ai nuk mund te pajtohej me Edi Ramen dhe perjashtimin e ministrise se drejtesise nga reforma e sistemit te drejtesise dhe zevendesimin e tij dhe ministrise qe ai drejtonte, nga Fatmir Xhafa, perfaqesuesi i klaneve te droges dhe krimit dhe suita e tij, qe ka hartuar, ne perputhje me urdherat e Rames, projektin e asgjesimit te pushtetit gjyqesor dhe zevendesimit te tij me vullnetin e Edi Rames! sb.

Disa orë më pas u bë publike edhe letra e dorëheqjes së Naços. Dhe aty renditeshin fiks të njëjtat probleme që kishte parathënë Berisha: mosfunksionimi i reformës në drejtësi dhe përjashtimi i LSI së prej saj me urdhër të Ramës.

?I nderuar z. Kryeministër, Duke ju falënderuar për bashkëpunimin e deritanishëm, por duke qenë i bindur se Reforma në Drejtësi dhe përmbushja e një roli më thelbësor të Ministrisë së Drejtësisë në përmirësimin e mirëqeverisjes dhe funksionimit të drejtësisë kërkon një nivel më të lartë të bashkëpunimit dhe bashkëveprimit të të gjithë aktorëve, jap dorëheqjen time si Ministër i Drejtësisë. Duke shpresuar që në çdo rast ky akt të ndihmojë në krijimin e klimës së bashkëpunimit të kërkuar për reformimin e sistemit të drejtësisë, Ju uroj suksese në përmbushjen e obligimeve tuaja si Kryeministër, Me konsideratë, Nasip Naço?

Pra ashtu sikurse kishte parashikuar ish kryeministri, Naço jo vetëm po laegohej për shkak të reformës, por ai po tregonte se LSI dhe PS kishin divergjenca me njëra tjetrën për këtë reformë. Korieri i përbashkët kishte funksionuar. Meta dhe Berisha edhe njëherë më shumë ishin në sinkron të plotë. /lapsi.al