web counter
LEXO PA REKLAMA!

SHKARKO APP

App Store
Google Play

Paloka: Ndërtuesit e Ramës vjedhin paratë e qytetarëve, Ta kthejmë këtë dimër në pranverën e shpresës

25 Tetor 2015, 11:18, Politikë CNA

 

Kryetari I grupit parlamentar I Partisë Demokratike, Edi Paloka theksoi gjatë një konference për shtyp se qeverisë po I vjen fundi. Ai e argumentoi këtë duke thënë se tashmë korrupsioni ka zbatuar hallkat më të larta shtetërore.

Gjithashtu, Paloka u ndal edhe tek tenderi I automjeteve luksoze që qeveria po kërkon të kryejë. Ai tha se shqiptarët po vuajnë për bukën e gojës ndërsa qeveria dhe kryeministri I harxhojnë paratë e taksapaguesve për automjete luksoze.

 

Deklarata e plotë

Edhe pse Edi Rama ka bllokuar ndërtimin në gjithë vendin, dy ndërtues po bëjnë miliarda me paratë e shqiptarëve.

Janë pikërisht ndërtuesit e tij personal.

I pari, Carapuli që ngriti sarajet e Ramës në Surrel, merr 5 miliardë lekë nga OSHEE, në një tender të fryrë dhe me fitues të paracaktuar.

Carapuli i Ramës mori 5 miliardë lekë nga paratë e gjakut të shqiptarëve që banda e OSHEE i mori me dhunë e me burg, e në jo pak raste u mori dhe jetën bashkqytetarëve tanë.

Ndërtuesi  tjetër personal i Ramës, ai i vilës së tij në Dardhë, Papuli, merr miliona euro për Jaguarët luksozë që i duhen qeverisë, do marrë miliona euro për shërbimet që do u bëjë, dhe në fund, pas kontratës, makinat janë sërish pronë e tij.

Një zhvatje parash sipas tenderave që bën Edi Rama ku kriteret qepen enkas për mikun e tij, ku fituesi është i paracaktuar.

Kjo është ndarja që u bën Edi Rama parave, kryeministri më i korruptuar në Ballkan, që sipas dokumentit të punës së OSBE ka 200 milionë euro pasuri të investuara në vende OFF SHORE përmes vëllait të tij.

Ndërkohë Edi Rama nuk jep asnjë shpjegim për këto fakte skandaloze, por skërmit dhëmbët e krimbur në para.

A do ti lëmë këta hajdutë të shtojnë dhjamin, e qyetarët të zhyten më shumë në skamje.

Apo do të ngrihemi t?i dëbojmë, të largojmë shtypësit e korruptuar.

Duhet të ngrihemi se nuk ka më kohë.

Ta kthejmë këtë dimër të vështirë në një pranverë shprese për të ardhmen tonë dhe të fëmijëve tanë.

 





Lajmet e fundit nga