Amnesty “i tërheq veshin” Veliajt dhe dy ministrave për dhunën dhe mashtrimin ndaj romëve.

14 Tetor 2015, 08:37, Politikë CNA

?Amnesty International? është treguar tejet e ashpër sot me kryebashkiakun e Tiranës Erion Veliaj dhe dy ministrat, Gjermeni dhe Klosi, që po tentojnë të dëbojnë me forcë, 44 familje të varfra rome dhe egjyptiane, që jetojnë në kasolle tek Parku i Liqenit në Tiranë. AI i ka kujtuar se ?në vitin 2014, Shqipëria pranoi të zbatojë rekomandimet e Këshillit të Drejtave të Njeriut.?

?AI? u është drejtuar drejtpërsëdrejti me emër i zyrtarëve të lartë: Erion Veliajt, Eglantina Gjermenit dhe Blendi Klosit dhe ka folur pa asnjë dorezë duke i akuzuar se ata i kanë mashtruar familjet rome duke iu ofruar strehime të përkohshme dhe më pas, duke i lënë në mëshirë të fatit; e gjithë kjo, kur e dinë fare mirë se romët dhe egjiptianët jetojnë në kushte ekstremisht të varfra dhe nuk kanë absolutisht asnjë mundësi të paguajnë qera dhe as të marrin kredi.
Pasi qeveria e ka injoruar dukshëm Avokatin e Popullit, Igli Totozani, për zgjidhjen e problemit të romëve, ky i fundit nuk ka ngurruar të luajë të gjithë gurët dhe ka ngritur në këmbë ?Amnisty International?, pa pasur asnjë skrupull se po i vinte një njollë të zezë në zbatimin e të drejtave të njeriut, qeverisë së majtë Rama ? Meta.

Më datë 5 tetor, punonjës të Bashkisë së Tiranës janë parë në vendbanimin informal në afërsi të Liqenit Artificial. Edhe pse njoftimi për dëbim nga vendbanimi informal ishte publikuar në media, para kësaj date, familjet e prekura nuk ishin konsultuar, as nuk kishin marrë asnjë njoftim zyrtar për zhvendosje apo ndonjë njoftim tjetër nga ana e autoriteteve. Autoritetet vendore nuk kanë nxjerrë asnjë vendim gjykate për dëbim, siç kërkohet nga ligji shqiptar. Kjo u ka mohuar romëve dhe egjiptianëve të prekur të drejtën e ankimimit kundër dëbimit ? një mbrojtje kyç kundër dëbimeve të dhunshme, siç parashikohet nga standardet ndërkombëtare të të drejtave të njeriut.

Sipas kryebashkiakut të Tiranës kjo nuk është e detyrueshme, pasi edhe nëse ata mund të kenë strehim atje, në mungesë të punësimit ka shumë gjasa që të kthehen përsëri në Tiranë.

Në vitin 2014, Shqipëria pranoi të zbatojë rekomandimet e Këshillit të Drejtave të Njeriut, duke përfshirë edhe të drejtën për strehim të përshtatshëm për romët dhe egjiptianët, dhe dyfishim të përpjekjeve për të zbatuar plotësisht Planin Kombëtar të Veprimit dhe Strategjinë për Dekadën e Përfshirjes së Romëve.

Megjithatë, në këtë drejtim është bërë shumë pak. Romët dhe egjiptianët vazhdojnë të jetojnë në strehim të pamjaftueshëm, pa siguri, dhe ? pas hyrjes në fuqi të Ligjit për legalizimin, urbanizimin dhe integrimin e ndërtimeve pa leje në vitin 2014 ? janë vazhdimisht të rrezikuar nga shpërnguljet me forcë.