E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama: Ju nuk dini të bëni opozitë, Shqipëria më mirë se në kohën e qeverisjes së PD-së

22 Tetor 2015, 11:04, Aktualitet CNA

Kryeministri Edi Rama e ka marrë fjalën, pas deputetit Astrit Patozi.

Ai një pjesë të madhe të fjalës së tij e ka marrë duke folur për ekonominë dhe më pas për qeverisjen e shkuar të PD-së.

Pjesë nga fjala e tij në foltore:

?Patozi më nxiti me fjalimin e tij sepse foli për meriat e mëdha, por ende të panjohura nga publiku për qeverisjen e PD-së.

Faleminderit parafolësit që më dha këtë nxitje dhe që paraqiti situatën në një mënyrë krejt jo reale.

Pse pikërisht te çështja CEZ kemi një dallim të qartë mes nesh dhe jush. Standard & Poor?s jo vetëm ka afirmuar pozicionin e Shqipërisë duke konsoliduar arritjet e kësaj qeverie. Ka paralajmëruar në raportin e fundit se, nëse pasqyra pozitive e sotme e Shqipërisë do të plotësohet me vazhdimësinë në raport me angazhimet e mara, atëherë janë krijuar kushtet që S&P ta rrisë në reitingun e Shqipërisë në 6 muaj e ardhshëm.

Më lejoni të veçoj se çfarë kjo kompani botërisht e mirënjohur vlerëson atë që nuk e shihni ju, dhe shkëputjen tuaj të plotë nga realiteti në dy vitet e fundit.

Thotë kështu: Qeveria është duke forcuar institucionet fiskale dhe menaxhimin e financimit të sektorit publik. Në këtë periudhë reforma në pensione, qeverisje vendore dhe sektorin e energjisë kanë sjellë rezultate të qenësishme ku veçohen përpjekjet posaçërisht në sektorin e energjisë, veçanërisht të suksesshme. Çfarë kemi bërë ne veçanërisht të suksekseshme? Kjo është pyetje retorike sepse përgjigja qëndron aty ku e keni përqendruar goditjen baltoze tuajën.

Raporti i BB i vjeshtës së 2015, thotë se nga 2008 kishte një rritje të skajshme të varfërisë. Kjo është merita juaj. Populli shqiptar ua dha gjykimin.

BB thotë se, Ekonomia shqiptare vazhdoi të rritet në 2015, e mbështetur nga eksportet neto dhe investimet private. Investimet private të mbështetur nga mbështetja e huaj, do të vazhdojë të jenë në rritje.

Treguesit e tregut të punës kanë ardhur në përmirësim. Punësimi u rrit me 10.6 % në terma vjetorë. E thotë Banka Botërore, e jo PS e LSI-ja?, tha Rama.

Më pas Kryeministri u morr edhe me PD-në.

?Ju nuk dini të bëni opozitë. Ne do e kishim bërë më mirë. Jeni parti pa lidership, pa program. Ju jeni nën ujë jo sipër ujit?, u shpreh Rama.