web counter
LEXO PA REKLAMA!

SHKARKO APP

App Store
Google Play

Akuzat e opozitës,  reagon  MB: Falenderojmë PD-në

19 Shtator 2015, 12:43, Aktualitet CNA

Pas akuzave të opozitës me dy konferenca për shtyp ka ardhur edhe reagimi i Ministrisë së Brendshme.

Sipas saj, PD ka marrë një efekt boomerang pasi duke dashur të përbaltë sukseset e Policisë së Shtetit i ka bërë më shumë jehonë aksioneve të tyre.

Deklarata e plotë

?Nuk ka mbetur asgjë tjetër përveçse ta falenderojmë Partinë Demokratike që me konferencat e saj të përditshme për të përbaltur sukseset e Policisë së Shtetit, në fakt i bën jehonë këtyre sukseseve që po shënojnë një kthesë historike në rrugën e ndërtimit të shtetit modern europian shqiptar.

Falenderimet tona janë edhe më të veçanta, kur PD i bën jehonë goditjeve me zero tolerancë ndaj çdokujt që nën kostumin e pushtetit të maxhorancës apo i lidhur në cilëndo mënyrë me përfaqësuesit politik të maxhorancës, goditet me forcën e ligjit për shkeljen e ligjit.

Urojmë që Partia Demokratike të mos pushojë asnjë ditë në këtë përpjekje të dëshpëruar për të, por të mirëseardhur për qeverinë tonë, e cila edhe falë konferencave të baltës së SHQUP-it, përçon tek shqiptarët mesazhin e saj kryesor: Koha e të fortëve të veshur me pushtet apo e të paprekshmëve për shkak të lidhjeve me pushtetin, ka vdekur bashkë me pushtetin e korruptuar të Sali Berishës.

Kjo është koha e Rilindjes së besimit të shqiptarëve tek Shqipëria dhe shteti europian i shqiptarëve?, përfundon deklarata.

 





Lajmet e fundit nga