web counter
LEXO PA REKLAMA!

SHKARKO APP

App Store
Google Play

PD: Krahu i djathtë i Tahirit është përjashtuar dy herë me shkelje të rënda nga Policia

15 Shtator 2015, 10:14, Aktualitet CNA

Partia Demokratike ka akuzuar Anastas Meçin  se është përjashtuar dy herë nga policia e Shtetit për shkelje të rënda.

Ai është një nga njerëzit e afërt të ministrit, Tahiri.

Këta akuza kanë ardhur nga një deklaratë për shtyp të deputetes, Mimoza Hajdarmata.

Deklarata e plotë.

 

?Një nga njerëzit më të afërt të Ministrit të Brendshëm, Anastas Meçi, inspektori i tij personal që ka në fakt më shumë pushtet se sa i jep detyra dhe ligji, është përjashtuar dy herë nga policia e Shtetit për shkelje të rënda.

Fillimisht u përjashtua në vitin ?96 për falsifikim provash. Ai u akuzua se falsifikoi provat në djegien e magazinës së armatimeve në Peqin, në vitin 91.

Më pas, u përjashtua në vitin 2001, nga Bilbil Mema, atëherë drejtor i Përgjitshëm i Policisë, për abuzime të rënda me atributet e Policisë. U kap me abuzime me armatimin, kur ishte shef i sektorit të grumbullimit të armëve në komisariatin e Kuçovës.

Kemi këtu dy shkresat zyrtare për inspektorin e Tahirit.

Por sot, ky i përjashtuar dy herë për shkelje të rënda, është krahu i djathtë i Ministrit të Brendshëm.

Pikërisht, me të tillë persona, Ministri Tahiri mbyll aferat e tij dhe kujdeset për bizneset e tij kriminale. Ai është sot ministri më i akuzuar në dy dekadat e fundit, për lidhje me bandat e trafikut të drogës.

Oficerë të larët të Policisë kanë dhënë prova e dëshmi të implikimit të drejtpërdrejtë të Saimir Tahirit në trafikun e drogës.

Faktet tregojnë se Tahiri ka inkriminuar kupolën e rendit dhe lidhjet e tij me krimin janë tronditëse.

Ka vetëm një rrugë, largimi i tij dhe hetimi i plotë nga drejtësia?, përfundon Hajdarmata.





Lajmet e fundit nga