web counter
LEXO PA REKLAMA!

SHKARKO APP

App Store
Google Play

E fundit!

x

Maqedonia lejon kalimin e emigrantëve drejt Serbisë

23 Gusht 2015, 10:10, Kosova & Bota CNA

Forcat e policisë kanë lejuar kalimin e emigrantëve në kufirin mes Greqisë dhe Maqedonisë.  Qindra emigrant kanë kaluar të papenguar nga efektivët pas disa ditësh pengesash dhe konfrontimesh. Ata kanë mbajtur pozicionet e tyre, por kanë bërë shumë pak për të parandaluar refugjatët e luftës, të cilët vinin kryesisht nga Siria.

Maqedonia deklaroi gjendjen e emergjencës gjatë së enjetes dhe mbylli kufirin e saj jugor ndaj emigrantëve që vinin me një ?normë? prej 2000 personash në ditë.
Fluksi i madh i emigrantëve solli skena të jashtëzakonshme dëshpërimi e vuajtjesh në kufi, ku burra, gra e fëmijë flinin nën qiellin e hapur dhe me shumë pak ndihma ushqimore apo ujë. Me justifikimin se duhej të kufizonin qasjen e emigrantëve në territorin maqedonas, forcat e ndërhyrjes së shpejtë përdorën edhe gazin lotsjellës dhe tymuese për të zmbrapsur turmat, por ditën e shtunë në mbrëmje ata u tejkaluan në numër nga mijëra e mijëra emigrantë, të cilët thyen kordonët e policisë dhe vrapuan drejt fushave të boshatisura.

Shteti maqedonas, nga ana e tij, vendosi trena shtesë dhe autobusë nga i gjithë vendi, për t?i marrë emigrantët e për t?i dërguar në veri drejt Serbisë, si hapi tjetër i kalvarit të mundimeve të tyre në një udhëtim tejet të gjatë nga Lindja e Mesme, Afrika apo Azia, deri në kufinjtë e Europës.

Grumbulli i emigrantëve i krijuar në Maqedoni, një vend që është përballur edhe me kritika nga agjencitë e ndihmave se nuk ka zgjeruar kapacitetet e saj për të pritur dhe procesuar më tej emigrantët, mbërriti gjatë natës në Serbi, duke mbipopulluar qendrat strehuese të këtij vendi.

 





Lajmet e fundit nga