web counter
LEXO PA REKLAMA!

SHKARKO APP

App Store
Google Play

E fundit!

x

Shkaku i emigrantëve, Bullgaria përforcon kufirin me Greqinë dhe Maqedoninë

22 Gusht 2015, 15:30, Kosova & Bota CNA

Gunev e quajti dramatike fluksin e rritur të azilkërkuesve, të cilët po hyjnë nga Greqia, Maqedonia e Serbia, edhe pse tha se Bullgaria nuk është hyrje e preferuar për ta, sikurse Hungaria.

?Kemi disa arsye për të besuar se masa e emigrantëve nuk do të orientohet drejt Bullgarisë. E para është se këtu nuk ka korridor të lirë transiti, sikurse Maqedonia. Kufijtë ruhen me rigorozitet, gjatë gjithë kohës kryhen kontrolle e patrullime, dhe asnjë nga ato grupe emigrantësh nuk dëshiron të mbetet në Bullgari. Kalimi transit, përmes Bullgarisë, për emigrantët është shumë i vështirë?.

?Gjithashtu, e dinë mirë se nëse nuk kanë kërkuar status emigranti në Greqi nuk mund të hyjnë në Bullgari. Rrallë kush kërkon status të tillë në Greqi, prandaj i shmangen Bullgarisë?, deklaroi Filip Gunev, Zv/ministër i brendshëm i Bullgarisë.

Por ngritja e murit nga autoritetet hungareze, i ka shtrydhur emigrantët nga Lindja e Mesme dhe Afrika, të synojnë çdo kufi lidhës me Evropën. Po ashtu, Bullgaria po tregohet vigjilente edhe pas deklaratën e ministrit të jashtëm serb Daçiq, i cili paralajmëroi në fillim të javës ndërtimin e një gardhi përgjatë kufirit me Hungarinë, gjë që do ta shpërndante pak fluksin e emigrantëve drejt Bullgarisë, si vend transit drejt BE-së.





Lajmet e fundit nga