web counter
LEXO PA REKLAMA!

SHKARKO APP

App Store
Google Play

E fundit!

x

Komisioneri Hahn kritikon Maqedoninë për refugjatët

22 Gusht 2015, 15:10, Kosova & Bota CNA

Ministria e Brendshme tha se emigrantët ?më të prekur? do të ndihmohen ?në përputhje me kapacitetet e vendit, ndërsa nuk përmendi se cilat ishin kategoritë e rrezikuara. Ndërkohë më herët gjatë ditës, policia përdori gaz lotsjellës e plumba gome për të shpërndarë mijëra emigrantë dhe refugjatë në botën e askujt teksa përpiqen të hyjnë në Maqedoni nga Greqia, përkatësisht nga pika kufitare Gjevgjeli.

Një ditë më parë, Maqedonia shpalli gjendjen e jashtëzakonshme dhe dërgoi ushtrinë në kufirin me Greqinë për të ndalur fluksin e emigrantëve.
Mënyra e trajtimit të emigrantëve nga shteti maqedonas është kontestuar nga ana e institucioneve ndërkombëtare. Përdorimi i gazit lotsjellës ndaj emigrantëve është kontestuar nga komisionieri i Zgjerimit të BE-së, Hahn, i cili ka deklaruar se ?në përputhje me ligjet ndërkombëtare, Maqedonia ka të drejtë t?i kontrollojë njerëzit që duan të hyjnë në territorin e saj dhe t?u ndalojë hyrjen atyre që nuk i plotësojnë kushtet?.

?Komisioni e di se qeveria ka shpallur gjendje krize në kufirin e Jugut dhe të Veriut. Komisioni është i gatshëm që të vazhdojë t?i ofrojë ndihmë humanitare Maqedonisë?, vazhdon deklarata.

Nga komisioni gjithashtu kanë rikujtuar se BE-ja deri më tani i ka dhënë Maqedonisë rreth 90 656 euro si formë ndihme, kur ajo u godit nga vala e parë e emigrantëve. Ndërsa mësohet se dy kryeministrat e Serbisë, Aleksandar Vuçiç dhe i Maqedonisë, Nikola Gruevksi, kanë pasur një bisedë telefonike mbi krizën e emigrantëve që kanë prekur dy shtetet, që shihen si trampolinë për të shkuar drejt Gjermanisë. Vuçiç bën të ditur se është rënë dakord për t?u rakorduar mes dy qeverive për përballimin e kësaj situate.





19:47 Kosova & Bota

Izraeli pas ISIS-it?

“AlJazeera” nëpërmjet gazetes Britanike ”Daily Mail” publiko...

Lajmet e fundit nga