Ardjan Takaj, presidenti i Skenderbeut i mbytur ne borxhe/ Banka i bllokon dhe nxjerr ne shitje "Tropikal" resort

21 Gusht 2015, 13:29, Aktualitet CNA

Isa Bylykbashi ne nje reagim te tij sot per gazeten Telegraf, pretendon se prona e tij prej mbi 80 mije m2 eshte vjedhur dhe nuk po i kthehet. Ai ne denoncimin e tij tregon me fakte gjithcka ka ndodhur me kete prone. Ne shkrimin e saj gazeta Telegraf jep detaje se cfare po ndodh me pasurite e presidentit te ekipit te Skenderbeut Ardjan Takaj. Ai ka nje borxh prej disa milione euro dhe per kete arsye biznesi i tij eshte bllokuar dhe po del ne shitje nga banka. Nje prone e cila pretendohet se eshte fituar ne menyre te paligjshme nga presidenti i ekipit te Skenderbeut.

Banka Intesa SanPaolo i ka dhënë hua disa miliona euro administratorit të shoqatës ?Tropikal? me garanci pronën e ish Kampit të Pionierëve në Durrës, e blerë nga sindikata e Gëzim Kalasë. “Administratori, mbase edhe qëllimisht nuk e paguan huanë disa miliona euro, dhe Banka SanPaolo i fiton pronën e lënë si garanci nga shoqata ?Tropikal?. Kjo është një skemë e tjetërsimit të pronave të fituara me fallcifikim, pasi më vonë do të jetë tepër e vështirë të bëhet kompesimi fizik i pronës”, tregon Bylykbashi per Telegra.

Bankat para se të japin çfarëdo hua, duhet të garantohen a kanë pasuritë e patundshme, që vihen si garanci, jo vetëm hipotekën, por edhe origjina e rregjistrimit të pronës, gjë që i mungon pronës së shoqërisë ?Tropikal?, pasi e ka marrë nga sindiakat, që nuk kanë pronë të tyre. Kështu që një shoqëri përmbarimore në 28.03.2013 ka vendosur masën e sekuestrimit konservative mbi pasurinë e paluajtshme të palës debitore të rregjistruar në rregjistrin hipotekor me nr. Rregj. Hipotekor 6089 datë 21.02.1995, Njësi me sipërfaqe 85.221 m2 zona kadastrale 8518 me vendndodhje ish kampin e Pionierëve, Plazh Durrës në pronësi të Shoqërisë ?Tropikal? shpk. Ndërsa sot banka SanPaolo e nxjerr në ankand këtë pronë, ndërkohë, që ish-pronarët nuk munden do të marrin pronën e tyre.

Sipas Isa Bylykbashit, një tjetër skemë e tjetërsimit, është se sipërfaqja e pronës te Kampi i Pionierëve në Durrës në 81.000 metra 2, është copëzuar në dhjetëra pjesë të vogla, sipas studimeve pjesore urbane, për t?u shitur më lehtë, por edhe për të marrë më lehtë lejen e ndërtimit, deri në 5.000 m2, kështu që të bëhet edhe më i pamundur kthimi fizik i saj”, thekson ai.