Eduard Zaloshnja dhe krahasimet kodra mbas bregut/ Gafa apo mashtrime publike

20 Gusht 2015, 22:07, Aktualitet CNA

Ne nje publikim tek tema.al, personi qe kerkon te duket si mjeshter i statistikave dhe krahasimeve, ne fakt ishte tek varianti kodra mbas bregut ose futja tja fusim.

Se pari ne krahasimin e tij kishte dicka qe nuk qendronte ne thelb te menyres se si bente krahasimet. Zaloshnja si “mjeshter” krahasonte vitin e fundit te qeverise Berisha me vitin e pare te qeverise Rama. Ne fakt krahasimi eshte se prapthi pasi duhet ta bente krahasimin e vitit 2014 me vitin 2006.

Me tej krahasimi, te pakten ne publikimin mediatik, kishte nje gafe te qellimshme ose jo, qe e rrezonte komplet gjithcka publikohej. Krahasimi behej mbi te ardhurat, por nuk flitej aspak per taksat. Pra sa ka qene niveli i taksave ne 2006 apo edhe 2012 dhe sa u be ne 2014. Cila ishte bara fiskale? Shtimi i kontribuesve ne skemat e ndrysheme, akciza e shtuar e duhanit, taksa shtese e karburantit e keshtu me rradhe.

Ne cdo ze qe publikonte Zaloshnja, ne rast se do fusim nivelin e taksave brenda ashtu dhe sic duhet realisht, qeveria Rama ka DESHTUAR, me germa kapitale. Kjo per faktin se kemi shifra te cilat jane shume afer me njera-tjeten ne vitin me te dobet, ndoshta te qeverise Berisha, krahasuar me vitin e pare te qeverise Rama, nderkohe qe taksat jane rritur minimalisht 50%, jane shtuar edhe taksa te reja. Ka edhe progresive 23%, qe krahasuar me 10% te qeverise Berisha eshte 2.3 here me shume.

Shpresoj qe here tjeter “specialistet” e shifrave te jene me te ndershem me qytetaret dhe opinionin se pari, pasi me veten e tyre zor se behen te tille. Kur publikojne krahasime, te pakten ti japin edhe nivelin e taksave dhe te krahasojne vitet e para me te parat e jo se prapthi.

Elvi Fundo/citynews.al

Ja krahasimi i Eduard Zaloshnjes:

Meqë këto ditë është në qendër të debatit publik mbledhja e taksave nga Qeveria Rama, vlen të bëhet një krahasim i vitit 2012 (viti i fundit i plotë i Qeverisë Berisha) me vitin 2014 (viti i parë i plotë i Qeverisë Rama).

Krahasimi këtu bëhet për taksat më kryesore, si taksat e sigurimeve shoqërore/shëndetsore, tatimi mbi të ardhurat personale, akcizat, TVSH-ja, tatimi mbi fitimin dhe taksat nacionale. Që shifrat të jenë të krahasueshme, të ardhurat nga këto taksa jepen si përqindje ndaj Prodhimit të Brendshëm Bruto.

A- Arkëtimet në buxhet nga taksat e sipërpërmendura si përqindje e PBB-së:

21.2% Qeveria Berisha në 2012-ën vs. 22.6% Qeveria Rama në 2014-ën

B-Arkëtimet në buxhet nga TVSH-ja si përqindje e PBB-së:

8.7% Qeveria Berisha në 2012-ën vs. 8.8% Qeveria Rama në 2014-ën

C- Arkëtimet në buxhet nga taksa e sigurimeve shoqërore/shëndetsore si përqindje e PBB-së:

4.2% Qeveria Berisha në 2012-ën vs. 5% Qeveria Rama në 2014-ën

D-Arkëtimet në buxhet nga akcizat si përqindje e PBB-së:

2.7% Qeveria Berisha në 2012-ën vs. 2.9% Qeveria Rama në 2014-ën

E-Arkëtimet në buxhet nga taksat nacionale si përqindje e PBB-së:

2.2% Qeveria Berisha në 2012-ën vs. 2.3% Qeveria Rama në 2014-ën

F-Arkëtimet në buxhet nga tatimi mbi fitimin si përqindje e PBB-së:

1.3% Qeveria Berisha në 2012-ën vs. 1.5% Qeveria Rama në 2014-ën