web counter
LEXO PA REKLAMA!

SHKARKO APP

E fundit!

x

PD: Pse u shkel ligji per ndertimin tek Kalaja

25 Korrik 2015, 13:09, Politikë CNA

Partia Demokratike akuzoi kryeministrin Edi Rama për lidhje me ndertimet e paligjshme. 

?Prej dy muajsh shkelet ligji në mes të Tiranës në zonën më të mbrojtur. Çdo qytetar e banor i këtij vendi do kishte përfunduar në burg nëse do rregullonte çatinë e shtëpisë apo murin rrethues. Miku i Edi Ramës bën mure, llaç e tulla brenda kalasë që është monument kulture i kategorisë A, dhe asgjë nuk ndodh. Ligji, IKMT dhe policia pushojnë së ekzistuari për njeriun e afërt të kryeministrit?, deklaroi koordinatorja e PD-së, Reila Bozdo.

Opozita e cilëson skandal mungesën e reagimit nga institucionet e mbrojtjes së territorit, pavarësisht se ishin njoftuar nga Drejtoria Rajonale e Kulturës që më datë 14 maj.

?Pse për më shumë se 2 muaj banda IKMT heshti për ndërtimin e mikut të Edi Ramës ?! Pse nuk është arrestuar në flagrancë ndërtuesi për veprën penale ?ndërtim i paligjshëm?? Pse policia nuk e ka proceduar penalisht ndertuesin siç ka vepruar me dhjetëra e qindra raste të tjera kur qttetarët kanë qënë vetëm duke kryer rregullime në shtëpitë e tyre??, deklaron opozita.

PD akuzon kryeministrin Rama se po zbaton një standard të dyfishtë për qytetarët burgun dhe për miqtë e tij ndërtimin ku dhe kur të duan.

?Këtë standard të dyfishtë, këtë korrupsion e klientelizëm ka ndërmend të instalojë tashmë në Tiranë e kudo me ushtarët e tij bindur të pushtetit lokal?, mbyllet deklarata e PD.





Lajmet e fundit nga